કર્ણાટક હાઈ કોર્ટે કહ્યું : પેપર સ્પ્રે એક જોખમી હથિયાર છે, પ્રાઇવેટ ડિફેન્સમાં એનો ઉપયોગ ન કરી શકાય

કોર્ટે એક પ્રાઇવેટ કંપનીના માલિક અને તેમનાં પત્ની સામેનો ક્રિમિનલ કેસ રદ કરવાનો ઇનકાર કર્યો હતો

કાળાં મરીનો સ્પ્રે

પેપર સ્પ્રે એટલે કે કાળાં મરીનો સ્પ્રે એક જોખમી હથિયાર છે અને એનો ઉપયોગ પ્રાઇવેટ ડિફેન્સમાં ન થઈ શકે એવું કર્ણાટકની હાઈ કોર્ટે જણાવ્યું છે. કોર્ટે એક પ્રાઇવેટ કંપનીના માલિક અને તેમનાં પત્ની સામેનો ક્રિમિનલ કેસ રદ કરવાનો ઇનકાર કર્યો હતો. આ કપલે જણાવ્યું હતું કે તેમણે સેલ્ફ-ડિફેન્સમાં સિક્યૉરિટી ગાર્ડ પર પેપર સ્પ્રે વડે હુમલો કર્યો હતો. આ ઘટના બૅન્ગલોરમાં બની હતી જ્યાં એક શોરૂમના સિક્યૉરિટી ગાર્ડ સાથે ઝઘડો થતાં મહિલાએ પેપર સ્પ્રેનો ઉપયોગ કર્યો હતો. કોર્ટે કહ્યું હતું કે જો જીવને જોખમ ન હોય તો પેપર સ્પ્રેનો ઉપયોગ ન કરવો જોઈએ. હાઈ કોર્ટે અમેરિકાનો હવાલો આપ્યો હતો જ્યાં આવાં કેમિકલ હથિયારને હાનિકારક માનવામાં આવે છે.