આનંદ મહિન્દ્રએ સોશ્યલ મીડિયા પ્લૅટફૉર્મ ઍક્સ પરની પોસ્ટમાં એમ પણ કહ્યું હતું કે અવાસ્તવિક અપેક્ષાઓ અને દબાણ વચ્ચે પણ ધોની કરતાં વધુ ખીલતો હોય એવો કોઈ પ્લેયર હોય તો મને બતાવો.
મહેન્દ્ર સિંહ ધોની, આનંદ મહિન્દ્ર
રવિવારે મુંબઈ ઇન્ડિયન્સ સામેની મૅચમાં ચેન્નઈ સુપર કિંગ્સના ૪૨ વર્ષના મહેન્દ્ર સિંહ ધોનીએ માત્ર ૪ બૉલમાં ૨૦ રન ફટકાર્યા હતા, જેમાં સળંગ ત્રણ બૉલમાં ત્રણ સિક્સર સામેલ હતી. વાનખેડે સ્ટેડિયમમાં ધોનીની ફટકાબાજીથી ક્રિકેટચાહકો ઝૂમી ઊઠ્યા હતા અને આ ચાહકોમાં મહિન્દ્ર ગ્રુપના ચૅરમૅન આનંદ મહિન્દ્ર પણ સામેલ છે. ધોનીને પ્રેમથી લોકો માહી (Mahi) કહીને બોલાવે છે એ સંદર્ભમાં આનંદ મહિન્દ્રએ તો ત્યાં સુધી કહી દીધું હતું કે ‘મને ગર્વ છે કે મારું નામ Mahi-ndra છે એ વાતે હું ગદ્ગદ છું. આનંદ મહિન્દ્રએ સોશ્યલ મીડિયા પ્લૅટફૉર્મ ઍક્સ પરની પોસ્ટમાં એમ પણ કહ્યું હતું કે અવાસ્તવિક અપેક્ષાઓ અને દબાણ વચ્ચે પણ ધોની કરતાં વધુ ખીલતો હોય એવો કોઈ પ્લેયર હોય તો મને બતાવો.