અત્યારે દુબઈ ઇન્ટરનૅશનલ ઍરપોર્ટ વિશ્વના સૌથી વ્યસ્ત ઍરપોર્ટ પૈકીનું એક
પ્રતીકાત્મક તસવીર
ગગનચુંબી ઇમારતો જેની ઓળખ છે એવા દુબઈમાં હવે વિશ્વનું સૌથી મોટું ઍરપોર્ટ બનવાનું છે. નવા ઍરપોર્ટનું નામ અલ મક્તુમ ઇન્ટરનૅશનલ ઍરપોર્ટ હશે જે ૨.૯ લાખ કરોડ રૂપિયામાં તૈયાર થશે. આ ઍરપોર્ટ હાલના દુબઈ ઇન્ટરનૅશનલ ઍરપોર્ટ કરતાં પાંચ ગણું મોટું હશે. વાર્ષિક ૨૬ કરોડ પૅસેન્જરની ક્ષમતા ધરાવતા અલ મક્તુમ ઇન્ટરનૅશનલ ઍરપોર્ટમાં પાંચ પૅરૅલલ રનવે અને ૪૦૦ ઍરક્રાફ્ટ ગેટ હશે. અત્યારે દુબઈ ઇન્ટરનૅશનલ ઍરપોર્ટ વિશ્વના સૌથી વ્યસ્ત ઍરપોર્ટ પૈકીનું એક છે અને નવું ઍરપોર્ટ બન્યા બાદ અહીંની તમામ કામગીરી મલ્ટિ-બિલ્યન ડૉલર પ્રોજેક્ટમાં ટ્રાન્સફર કરવામાં આવશે. અલ મક્તુમ ઇન્ટરનૅશનલ ઍરપોર્ટને કારણે દુબઈ સાઉથમાં હાઉસિંગની ડિમાન્ડ વધશે એટલે ઍરપોર્ટની આસપાસ આખું શહેર ઊભું કરવામાં આવશે.
