Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > રોસ્ટેડ મિલ્ક ટીનો નવો ટ્રેન્ડ

રોસ્ટેડ મિલ્ક ટીનો નવો ટ્રેન્ડ

28 November, 2023 12:10 PM IST | Mumbai
Gujarati Mid-day Correspondent | feedbackgmd@mid-day.com

ખાણીપીણીના શોખીન એવા એક માણસે રોસ્ટેડ મિલ્ક ટીની રેસિપી સોશ્યલ મીડિયામાં મૂકી છે અને ત્યારથી લોકોને એમાં ખૂબ રસ પડવા માંડ્યો છે. આમ તો આ ચા જેવી ચા જ છે, પરંતુ એ બનાવવાની રીત અલગ છે.

પ્રતીકાત્મક તસવીર What`s Up!

પ્રતીકાત્મક તસવીર


ઇન્ટરનેટ પર આજકાલ રોસ્ટેડ મિલ્ક ટીની ઘેલછા જોવા મળે છે. આ નવા પ્રકારની ચાની સોશ્યલ મીડિયામાં ચર્ચા થઈ રહી છે.

આમ તો ચા એ આપણા ઘર-ઘરનું પીણું છે, પરંતુ ડિજિટલ મીડિયાને કારણે આ ચાની બાબતમાં એક નવો જ ટ્રેન્ડ શરૂ થયો છે. ખાણીપીણીના શોખીન એવા એક માણસે રોસ્ટેડ મિલ્ક ટીની રેસિપી સોશ્યલ મીડિયામાં મૂકી છે અને ત્યારથી લોકોને એમાં ખૂબ રસ પડવા માંડ્યો છે. આમ તો આ ચા જેવી ચા જ છે, પરંતુ એ બનાવવાની રીત અલગ છે. રોસ્ટેડ મિલ્ક ટીમાં ટી બનાવવાની રીત કંઈક આવી છે : એમાં પહેલાં ચાની પત્તી, ખાંડ અને એલચીને મિક્સ કરીને શેકવામાં આવે છે. ત્યાર પછી ચાસણી જેવું બને અને સુગંધ આવે ત્યારે એમાં દૂધ ભેળવવામાં આવે છે. આ પદ્ધતિમાં ચાની પત્તીને ગરમ કરવાને બદલે શેકવામાં આવે છે.



આ રીતે બનાવેલી ચા આપણી પારંપરિક ચા કરતાં સાવ અલગ છે અને એનો સ્વાદ પણ અલગ છે. ઘણાને તો એની સુગંધ ખૂબ ગમી ગઈ છે.જોકે કોઈ પણ નવી વાત આવે ત્યારે અમુક લોકોને વાંધા તો પડવાના જ. હવે ચાના કેટલાક રસિયાઓ ઘણા ઝનૂની હોય છે. તેમને તો આટલાં વર્ષોથી જે ચા પીતા આવ્યા હોય એ સિવાયની ચા ભાવે જ નહીં એ સ્વાભાવિક છે. આથી ઘણા લોકો એવી ટીકા કરી રહ્યા છે કે આ ચા તો સાવ બનાવટી છે. એ કંઈ પીવા જેવી નથી. આવી ટીકા છતાં રોસ્ટેડ મિલ્ક ટીની ચર્ચા બહુ થઈ રહી છે અને આ આ વિડિયોને લાખો વ્યુઝ મળ્યા છે. 


હવે જોઈએ કે આ રોસ્ટેડ મિલ્ક ટીનો ટ્રેન્ડ લાંબું ટકે છે કે પછી થોડા સમય પછી લોકો એને ભૂલી જશે.


Whatsapp-channel Whatsapp-channel

28 November, 2023 12:10 PM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK