બેલ્જિયમમાં સીવેજ લાઇન નાખવા માટે ખોદકામ કરી રહેલા મજૂરોને જમીનની અંદરથી સોનાના સિક્કા અને બિસ્કિટ મળી આવ્યા હતા. ખજાનાની કિંમત આશરે ₹85 કરોડ હોવાનું કહેવાય છે. માલિક ન મળતાં મજૂરોને ભવિષ્યમાં ઇનામ મળી શકે છે.
સીવેજ લાઇન ખોદતી વખતે મજૂરોને મળી આવ્યો ૮૫ કરોડ રૂપિયાનો સોનાનો ખજાનો
બેલ્જિયમમાં સીવેજ લાઇન બનાવવાના કામ દરમ્યાન કેટલાક મજૂરોનું નસીબ ચમકી ગયું હતું. એક જૂના બિલ્ડિંગના ભોંયતળિયાને હટાવીને એમાં સીવેજ લાઇન નાખી રહ્યા હતા ત્યારે ખોદકામ દરમ્યાન તેમને પીળા રંગની ચળકતી ધાતુના સિક્કા જોવા મળ્યા. એ જોઈને મજૂરોએ જરૂર કરતાં વધુ ખોદકામ કરી લીધું તો અંદરથી સોનાના સિક્કા અને બિસ્કિટ મળી આવ્યાં હતાં. સ્થાનિક કાયદા મુજબ આ ખજાનો પોતાની પાસે રાખવો ગુનો હોવાથી મજૂરોએ તરત જ પોલીસને જાણ કરી હતી. પોલીસે આ ખજાનાનું મૂલ્યાંકન કરાવીને એક સ્વૈચ્છિક સંગઠનને સોંપી હતી. આ ખજાનો લગભગ ૮૫ કરોડ રૂપિયાનો હતો. આ ખજાનાનો અસલી માલિક મળ્યો ન હોવાથી પાંચ વર્ષ સુધી રાહ જોવામાં આવશે. જો કોઈ માલિક નહીં મળે તો ખજાનો શોધનારા મજૂરોને ઇનામ જરૂર મળશે.
