શિરીષ નામના એક યુઝરે ChatGPTના નવા ઇમેજ ટૂલનો ઉપયોગ કરીને UCO બૅન્કનો એક ચેક તૈયાર કર્યો છે
તસવીર સૌજન્યઃ સોશ્યલ મીડિયા
આર્ટિફિશ્યલ ઇન્ટેલિજન્સ (AI) જેટલી ઝડપથી આપણી જિંદગીને આસાન બનાવી રહી છે એટલી જ ઝડપથી સુરક્ષાની ચિંતાઓ પણ ઊભી થવા લાગી છે. સોશ્યલ મીડિયા પર એક ફોટો વાઇરલ થયો છે જેણે બૅન્કિંગ ક્ષેત્રના લોકોની ઊંઘ હરામ કરી નાખી છે. શિરીષ નામના એક યુઝરે ChatGPTના નવા ઇમેજ ટૂલનો ઉપયોગ કરીને UCO બૅન્કનો એક ચેક તૈયાર કર્યો છે. આ ચેક દેખાવમાં એટલો અસલી લાગે છે કે પહેલી નજરમાં ખબર જ ન પડે કે એ AI જનરેટેડ છે. વાઇરલ ફોટોમાં ૬૯,૦૦૦ રૂપિયાની રકમનો ચેક દેખાડ્યો છે. એમાં બૅન્કનું નામ, બ્રાન્ચની જાણકારી, અકાઉન્ટ-નંબર અને ચેકની નીચેની તરફ આવતો ખાસ કોડ પણ અસલી ચેક જેવો જ દેખાય છે.
