છેલ્લાં કેટલાંક વર્ષોથી સ્પેનમાં આ રમતને ફરીથી લોકપ્રિય બનાવવાના પ્રયાસો થઈ રહ્યા છે.
સ્પેનના ઉત્તર-પશ્ચિમ વિસ્તાર ગેલિસિયામાં રમાતી આ રમતનું નામ ‘બિલાર્ડા’ છે
આજકાલ સોશ્યલ મીડિયા પર સ્પેનની એક પરંપરાગત રમત ભારતીય નેટિઝન્સમાં ભારે ચર્ચાનો વિષય બની છે. આ રમતના વાઇરલ વિડિયો જોઈને અનેક લોકોને પોતાના બાળપણના દિવસો યાદ આવી ગયા છે, કારણ કે આ સ્પૅનિશ રમત ભારતીયોની જૂની અને જાણીતી દેશી રમત ગિલ્લી-દંડા જેવી જ દેખાય છે. સ્પેનના ઉત્તર-પશ્ચિમ વિસ્તાર ગેલિસિયામાં રમાતી આ રમતનું નામ ‘બિલાર્ડા’ છે. આ રમત ખૂબ જ પ્રાચીન છે અને તેરમી સદીના ઇતિહાસમાં પણ એનો ઉલ્લેખ જોવા મળે છે.
છેલ્લાં કેટલાંક વર્ષોથી સ્પેનમાં આ રમતને ફરીથી લોકપ્રિય બનાવવાના પ્રયાસો થઈ રહ્યા છે. એના ભાગરૂપે ત્યાંની રમતગમત સંસ્થાઓ દ્વારા લીગ મૅચો, પ્લે-ઑફ અને આંતરરાષ્ટ્રીય સ્પર્ધાઓ પણ યોજવામાં આવે છે. ભારતની પરંપરાગત રમત ગિલ્લી-દંડા પણ આશરે ૨૦૦૦ વર્ષથી વધુ જૂની માનવામાં આવે છે, જેમાં ડંડા અને લાકડાના નાના ટુકડા (ગિલ્લી)નો ઉપયોગ કરીને ખાસ કરીને ગ્રામીણ વિસ્તારોમાં બાળકો ઉત્સાહભેર રમે છે.
