ફુટબૉલના મેદાનમાં આર્ટવર્કના નામે જંગલ ઉગાડવામાં આવ્યું
ફુટબૉલ મેદાન બની ગયું જંગલ
ઑસ્ટ્રિયાના ક્લેગનફર્ટ શહેરમાં જ્યાં યુરો ૨૦૦૮ની ટુર્નામેન્ટની મહત્વની ફુટબૉલ મૅચો રમાઈ હતી એ વોર્થેર્સી સ્ટૅડિયમ અત્યારે જંગલમાં તબદિલ થઈ ગયું છે. ૩૨,૦૦૦ લોકો બેસીને મૅચ જોઈ શકે એવી કૅપેસિટી ધરાવતા આ ગ્રાઉન્ડમાં જંગલ આપમેળે ઊગી નથી નીકળ્યું પરંતુ જાણી કરીને બનાવામાં આવ્યું છે. બાકી, આ સ્ટેડિયમની જાળવણી બહુ જ સારી રીતે થઈ રહી હતી, પરંતુ ખાસ આર્ટવર્ક અને સંદેશો આપવા માટે અહીં છોડ ઉગાડવામાં આવ્યા છે જેથી જંગલ જેવી ફીલ આવે. આ જંગલમાં જોવા મળતા ૩૦૦ વૃક્ષો હાલમાં માથાસમાણાં થઈ ગયાં છે. આ ઇન્સ્ટૉલેશનનું નામ છે ફૉરફૉરેસ્ટ, જે લોકોને જોવા માટે ખુલ્લું મૂકવામાં આવ્યું છે. ૨૭ ઑગસ્ટ સુધી સ્ટેડિયમને આમ જંગલમય રાખવામાં આવશે અને પછી એને સાફ કરીને પહેલાં જેવું બનાવી દેવાશે.
