ઝોનલ સ્તરે પહેલું ઇનામ પાંચ લાખ, બીજું ૪ લાખ અને ત્રીજું ૩ લાખ રૂપિયા છે. રાજ્ય સ્તરે બે લાખ, દોઢ લાખ અને એક લાખ છે.
રિઝર્વ બૅન્કની ક્વિઝમાં કૉલેજિયનો માટે લાખો રૂપિયાનાં ઇનામ
રિઝર્વ બૅન્ક ઑફ ઇન્ડિયાને ૯૦ વર્ષ પૂરાં થઈ રહ્યાં છે એટલે એ કૉલેજિયન યુવાનોમાં રિઝર્વ બૅન્ક અને ફાઇનૅન્શિયલ ઇકોસિસ્ટમ વિશે જાગૃતિ આવે એ માટે RBI90Quiz નામની ક્વિઝ શરૂ કરશે. રિઝર્વ બૅન્કના ગવર્નર શક્તિકાંત દાસે આ સંદર્ભની જાહેરાત કરી છે. ક્વિઝમાં સામાન્ય જ્ઞાન વિશે પ્રશ્નો પુછાશે. વિવિધ સ્તરે આ સ્પર્ધાઓ યોજાશે. સ્પર્ધામાં જીતનારા પ્રથમ વિજેતાને ૧૦ લાખ રૂપિયા, દ્વિતીયને ૮ અને તૃતીયને ૬ લાખ રૂપિયા મળશે. ઝોનલ સ્તરે પહેલું ઇનામ પાંચ લાખ, બીજું ૪ લાખ અને ત્રીજું ૩ લાખ રૂપિયા છે. રાજ્ય સ્તરે બે લાખ, દોઢ લાખ અને એક લાખ છે. આ વર્ષની ૧ સપ્ટેમ્બરે ૨૫ વર્ષથી વધુ વય ન ધરાવતા અને દેશની કૉલેજોમાં કોઈ પણ સ્ટ્રીમમાં ગ્રૅજ્યુએશનનો અભ્યાસ કરતા હોય એવા વિદ્યાર્થીઓ નિઃશુલ્ક ભાગ લઈ શકશે. તેઓ ૧૭ સપ્ટેમ્બર સુધી રજિસ્ટ્રેશન કરાવી શકશે.
