Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > સમાચાર > રાષ્ટ્રીય સમાચાર > આર્ટિકલ્સ > Delhi: બિહારમાં ગેરકાયદેસર દારૂ પીવડાવીને 80 લોકોના જીવ લેનાર રામ બાબૂની ધરપકડ

Delhi: બિહારમાં ગેરકાયદેસર દારૂ પીવડાવીને 80 લોકોના જીવ લેનાર રામ બાબૂની ધરપકડ

31 December, 2022 09:40 PM IST | New Delhi
Gujarati Mid-day Online Correspondent | gmddigital@mid-day.com

બિહારમાં ગેરકાયદેસર દારૂ પીવડાવીને 80 લોકોના જીવ લેનાર મુખ્ય આરોપીની દિલ્હી પોલીસ ક્રાઈમ બ્રાન્ચે ઈન્ટરસ્ટેટ સેલે ધરપકડ કરી છે. પકડાયેલ આરોપીની ઓળખ રામ બાબૂ મહતો (35) તરીકે થઈ છે.

પ્રતીકાત્મક તસવીર

Crime News

પ્રતીકાત્મક તસવીર


બિહારમાં (Bihar) ગેરકાયદેસર દારૂ પીવડાવીને 80 લોકોના જીવ લેનાર મુખ્ય આરોપીની દિલ્હી પોલીસ ક્રાઈમ બ્રાન્ચે ઈન્ટરસ્ટેટ સેલે ધરપકડ કરી છે. પકડાયેલ આરોપીની ઓળખ રામ બાબૂ મહતો (35) તરીકે થઈ છે. 14 ડિસેમ્બરના બિહારના સારણ જિલ્લામાં થયેલી ઘટના બાદ આરોપી ભાગીને દિલ્હી આવ્યો હતો.


રામ બાબૂ અહીં દ્વારા જિલ્લામાં એક નિર્માણાધીન સાઈટ પર છુપાઈને રહેતો હતો. બિહાર પોલીસે સૂચના મળ્યા બાદ પોલીસની ટીમે શુક્રવારે આરોપીને પકડી પાડ્યો. આરોપી વિરુદ્ધ પહેલાથી સાત અપરાધિક કેસ દાખલ છે, જેમાં મોટા ભાગના ગેરકાયદેસર દારૂની તસ્કરી કરવાના કેસ સામેલ છે. દિલ્હી પોલીસે આરોપીની ધરપકડની સૂચના બિહાર પોલીસને આપી દીધી છે.



ક્રાઈમ બ્રાન્ચના સ્પેશિયલ આયુક્ત રવીન્દ્ર સિંહ યાદવે જણાવ્યું કે બિહારના સારણ જિલ્લાના ઈસુઆપુર અને મશરક થાણા ક્ષેત્રમાં 14 ડિસેમ્બરને બે જૂદા-જૂદા કેસ દાખલ કરવામાં આવ્યા હતા. અહીં ગેરકાયદેસર દારૂ પીવાથી લગભગ 80 લોકોના જીવ ગયા છે.


પોલીસે તપાસ કરી તો શરાબ તસ્કર રામ બાબૂ મહતોનું નામ સામે આવ્યું હતું. પણ આરોપી બિહારથી નાસી છૂટ્યો હતો. બિહાર પોલીસ સિવાય અન્ય રાજ્યોની પોલીસને પણ અલર્ટ કરી દેવામાં આવી હતી.

શુક્રવારે બિહાર પોલીસે દિલ્હી પોલીસની ક્રાઈમ બ્રાન્ચને સૂચના આપી હતી કે આરોપી રામ બાબૂ દિલ્હીમાં ક્યાંક છુપાયો છે. તરત એસીપી રમેશ ચંદર લાંબા, ઈન્સ્પેક્ટર સંજય કુમાર ગુપ્તા તેમજ અન્યની ટીમનું ગઠન કરી આરોપીની શોધ શરૂ કરી દેવામાં આવી.


શોધ દરમિયાન ટીમને ખબર પડી કે આરોપી દ્વારકા વિસ્તારમાં એક નિર્માણાધીન ઘરમાં છુપાયો છે. માહિતી મેળવ્યા બાદ ટીમે શુક્રવારે રાતે આરોપીની દ્વારકામાંથી ધરપકડ કરી લીધી.

આ પણ વાંચો : નાગપુરમાં RSS મુખ્યાલયને બૉમ્બથી ઉડાડવાની ધમકી, વધારવામાં આવી સુરક્ષા

હવે દિલ્હી પોલીસે આરોપીની ધરપકડના સમાચાર બિહાર પોલીસને આપી દીધી છે. બિહાર પોલીસની એક ટીમ દિલ્હી માટે નીકળી ચૂકી છે. ટીમ આરોપીને પોતાની કસ્ટડીમાં લઈને બિહાર પાછી જશે. ત્યાં જ આરોપી રામ બાબૂની પૂછપરછ કરવામાં આવશે.

Whatsapp-channel Whatsapp-channel

31 December, 2022 09:40 PM IST | New Delhi | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK