° °

આજનું ઇ-પેપર
Monday, 17 January, 2022


ન્યુઝ શોર્ટમાં : એક ક્લિકમાં વાંચો દેશ-પરદેશના સમાચાર

06 December, 2021 08:10 AM IST | New Delhi | Gujarati Mid-day Correspondent

હૈદરાબાદનો ગટ્ટીપલ્લી ડ્રાઇવિંગ-લાઇસન્સ મેળવનાર દેશનો પ્રથમ વામન બન્યો; ખુલ્લામાં કચરો નાખનારના ઘર સામે રામધૂન ગવાશે અને વધુ સમાચાર

મિડ-ડે લોગો (પ્રતીકાત્મક તસવીર)

મિડ-ડે લોગો (પ્રતીકાત્મક તસવીર)

દેશના ૫૦ ટકાથી વધુ ઍડલ્ટ‍્સ ફુલ્લી વૅક્સિનેટેડ : માંડવિયા

નવી દિલ્હી : કેન્દ્રીય આરોગ્યપ્રધાન મનસુખ માંડવિયાએ ગઈ કાલે જણાવ્યું હતું કે દેશની એલિજિબલ ૫૦ ટકાથી વધારે ઍડલ્ટ‍્સ વસ્તી હવે ફુલ્લી વૅક્સિનેટેડ છે. દેશમાં અત્યાર સુધીમાં આપવામાં આવેલા વૅક્સિનના કુલ ડોઝની સંખ્યા ૧૨૭.૬૧ કરોડથી વધુ છે. દેશના ૮૪.૮ ટકાથી વધુ ઍડ્લ્ટ્સે પહેલો ડોઝ મેળવ્યો છે. માંડવિયાએ એક ટ્વીટમાં જણાવ્યું હતું કે ‘કૉન્ગ્રેચ્યુલેશન્સ ઇન્ડિયા. આ ગર્વની ક્ષણ છે કેમ કે ૫૦ ટકાથી વધારે એલિજિબલ વસ્તી હવે ફુલ્લી વૅક્સિનેટેડ છે.’ 

 

હૈદરાબાદનો ગટ્ટીપલ્લી ડ્રાઇવિંગ-લાઇસન્સ મેળવનાર દેશનો પ્રથમ વામન બન્યો

હૈદરાબાદ : હૈદરાબાદનો ગટ્ટીપલ્લી શિવપાલ ડ્રાઇવિંગ-લાઇસન્સ મેળવનારો દેશનો પ્રથમ વામન બન્યો છે. લગભગ ત્રણ ફીટની ઊંચાઈ ધરાવતા ૪૨ વર્ષના ગટ્ટીપલ્લી શિવપાલે તમામ અવરોધો અને અંતરાયોનો સામનો કરીને તેના નિવાસી જિલ્લા કરીમનગરમાં ડિગ્રી મેળવનાર પ્રથમ દિવ્યાંગ બન્યો હતો. તેણે વર્ષ ૨૦૦૪માં ડિગ્રી મેળવી હતી. અનેક વામન કદના લોકો ડ્રાઇવિંગની તાલીમ મેળવવા તેનો સંપર્ક કરી રહ્યા છે. ગટ્ટીપલ્લી શિવપાલ આવતા વર્ષે શારીરિક રીતે ​અપંગ લોકો માટે ડ્રાઇવિંગ સ્કૂલ શરૂ કરવાની યોજના ધરાવે છે. 

 

બૅન્કોના ખાનગીકરણની વિરુદ્ધ દેશવ્યાપી આંદોલન થવું જોઈએ : રાકેશ ટિકૈત

ચંડીગઢ : ખેડૂત-નેતા રાકેશ ટિકૈત હવે ખેડૂતો સિવાયના મુદ્દાઓ પર પણ કેન્દ્ર સરકાર વિરુદ્ધ લડાઈ લડવા ઇચ્છતા હોય એમ જણાય છે. તેમણે કહ્યું કે જાહેર ક્ષેત્રની બૅન્કોના ખાનગીકરણને રોકવાની જરૂરિયાત છે. એની વિરુદ્ધ દેશવ્યાપી આંદોલન થવું જોઈએ. તેમણે ટ્વીટ કર્યું હતું કે અમે ખેડૂતોના આંદોલનની શરૂઆતમાં જ ચેતવણી આપી હતી કે હવે પછી બૅન્કોનો વારો હશે. પરિણામ જુઓ. છઠ્ઠી ડિસેમ્બરે જાહેર ક્ષેત્રની બૅન્કોના ખાનગીકરણ માટે બિલ સંસદમાં રજૂ કરવામાં આવશે. જોકે સાથે જ ટિકૈતે એમ પણ જણાવ્યું કે મારી કોઈ રાજકીય મહાત્ત્વાકાંક્ષા કે એજન્ડા નથી. 

 

ખુલ્લામાં કચરો નાખનારના ઘર સામે રામધૂન ગવાશે

ગ્વાલિયર :  ચાલુ વર્ષના રાષ્ટ્રીય સ્વચ્છતા ક્રમાંકમાં પાછળ પડતાં સફાળી ઍક્શનમાં આવેલી ગ્વાલિયર સુધરાઈએ એક અનોખો ઉપાય અજમાવવાનો નિર્ણય લીધો છે. ખુલ્લામાં કચરો ફેંકનારા લોકોના ઘરે ભજન ગાયકોને મોકલીને તેમના ઘર સામે રામધૂન વગાડવામાં આવશે. જોકે ત્યાર બાદ પણ જાહેરમાં કચરો નાખવાની આદત ન છોડનારા લોકોને દંડિત કરાશે. 

06 December, 2021 08:10 AM IST | New Delhi | Gujarati Mid-day Correspondent

અન્ય લેખો

રાષ્ટ્રીય સમાચાર

લખનઉ: ટિકિટ ન મળવાથી નારાજ સપા નેતાએ આત્મહત્યા કરવાનો પ્રયાસ કર્યો

પોલીસે તેમને રીતે બચાવ્યા છે.

16 January, 2022 03:39 IST | Lucknow | Gujarati Mid-day Online Correspondent
રાષ્ટ્રીય સમાચાર

Coronavirus: દેશમાં 24 કલાકમાં 2.71 લાખ નવા કેસ નોંધાયા, 314 મૃત્યુ

તે જ સમયે 24 કલાકમાં 1,38,331 દર્દીઓ સાજા પણ થયા છે. દેશમાં ચેપનો દર વધીને 16.28 ટકા થઈ ગયો છે.

16 January, 2022 02:21 IST | Mumbai | Gujarati Mid-day Online Correspondent
રાષ્ટ્રીય સમાચાર

મોલનુપિરાવીર કોરોના સામેની લડતમાં ખરેખર મૅજિક બુલેટ છે?

ઇન્ડિયન કાઉન્સિલ ઑફ મેડિકલ રીસર્ચ અને ડ્રગ્ઝ કન્ટ્રોલર જનરલ ઑફ ઇન્ડિયાના અલગ-અલગ ઓપિનિયન્સના કારણે મેડિકલ જગત બે ભાગમાં વહેંચાયું

16 January, 2022 09:54 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK