° °

આજનું ઇ-પેપર
Sunday, 29 January, 2023


દિલ્હીની હોટેલનું ૨૩ લાખનું બિલ બાકી રાખી નાસી જનારો ઝડપાયો

23 January, 2023 10:35 AM IST | New Delhi
Gujarati Mid-day Correspondent | feedbackgmd@mid-day.com

મોહમ્મદ શરીફની ધરપકડ ૧૯ જાન્યુઆરીએ કર્ણાટકના દક્ષિણ કન્નડમાંથી કરી તેને કોર્ટ સમક્ષ ઉપસ્થિત કરાયો 

પ્રતીકાત્મક તસવીર (સૌજન્ય આઇસ્ટૉક)

પ્રતીકાત્મક તસવીર (સૌજન્ય આઇસ્ટૉક)

નવી દિલ્હી  :યુએઈના સરકારી અધિકારીનો સ્વાંગ રચી દેશની રાજધાની નવી દિલ્હીની હોટેલનું ૨૩ લાખ રૂપિયાનું બિલ ચૂકવ્યા વિના પલાયન થયેલી વ્યક્તિની ધરપકડ કરવામાં આવી હોવાનું દિલ્હી પોલીસે જણાવ્યું હતું. 

બનાવટી બિઝનેસ કાર્ડ રજૂ કરીને દિલ્હીની લીલા પૅલેસમાં લગભગ ત્રણ મહિના કરતાં વધુ સમય માટે રોકાણ કરનારી આ વ્યક્તિની ઓળખ કર્ણાટકના દક્ષિણ કન્નડના ૪૧ વર્ષના મોહમ્મદ શરીફ તરીકે કરવામાં આવી હોવાનું પોલીસે જણાવ્યું હતું. મોહમ્મદ શરીફ હોટેલની કીમતી ચીજો લઈને તેમ જ ૨૩,૪૬,૪૧૩ રૂપિયાનું બિલ છોડીને પલાયન થતાં હોટેલને ભારે નુકસાન વેઠવાનો વારો આવ્યો હતો. 

આ પણ વાંચો : દિલ્હી મહિલા પંચનાં ચીફને પરેશાન કરનારે બીજી એક મહિલાને પણ ટાર્ગેટ કરી હતી

હોટેલના જનરલ મૅનેજર અનુપમ દાસ ગુપ્તાની ફરિયાદના આધારે સરોજિની નગર પોલીસ સ્ટેશને ૧૪ જાન્યુઆરીએ ફરિયાદ નોંધાવી હતી. ફરિયાદમાં જણાવાયા મુજબ આરોપી મોહમ્મદ શરીફ પહેલી ઑગસ્ટ, ૨૦૨૨થી ૨૦ નવેમ્બર, ૨૦૨૨ સુધી  હોટેલમાં રહ્યા બાદ હોટેલની કીમતી ચીજો ચોરીને બિલ ચૂકવ્યા વિના ભાગી ગયો હતો. પલાયન થયેલા આ ગુનેગારને પકડવા માટે પોલીસે એક ટીમનું ગઠન કર્યું હતું. મોહમ્મદ શરીફની ધરપકડ ૧૯ જાન્યુઆરીએ કર્ણાટકના દક્ષિણ કન્નડમાંથી કરી તેને કોર્ટ સમક્ષ ઉપસ્થિત કરાયો હતો. પોલીસે જણાવ્યું હતું કે આરોપીએ પોતાને યુએઈ સરકાર (હિઝ હાઇનેસ શેખ ફલાહ બિન ઝાયેદ અલ નાહયાનના કાર્યાલય)ના મહત્ત્વના અધિકારી તરીકે જણાવતા બનાવટી બિઝનેસ કાર્ડ ઉપરાંત પોતાના રહેઠાણના કાર્ડ પણ રજૂ કર્યા હતા. લગભગ સાડાત્રણ મહિના રોકાણ કર્યા બાદ ૨૦ લાખ રૂપિયાનો પોસ્ટ ડેટેડ ચેક આપીને હોટેલની કીમતી ચીજો સાથે રવાના થઈ ગયો હતો. જોકે ચેક પાછો ફરતાં તેની બદદાનત ઉઘાડી પડી હતી. 

23 January, 2023 10:35 AM IST | New Delhi | Gujarati Mid-day Correspondent

અન્ય લેખો

રાષ્ટ્રીય સમાચાર

News In Short: ભારત ચીનને ધ્યાનમાં રાખી પરમાણુ શક્તિને અપગ્રેડ કરી રહ્યું છે

આ પહેલાં પરંપરાગત રીતે ભારતની ન્યુક્લિયર સ્ટ્રૅટેજીના કેન્દ્રસ્થાને પાકિસ્તાન જ રહેતું હતું, પણ હવે ચીન પર પણ વધારે ફોકસ આપવામાં આવી રહ્યું હોય એમ જણાય છે

29 January, 2023 10:10 IST | New Delhi | Gujarati Mid-day Correspondent
રાષ્ટ્રીય સમાચાર

કર્ણાટકમાં બ્રાહ્મણો નારાજ થયા તો રાજ્યસરકાર દ્વારા ‘રિવર્સ રિઝર્વેશન’ માટે આદેશ

સરકારે બ્રાહ્મણોની માલિકી ધરાવતાં અખબારોને મહિને બે પેજની સરકારી જાહેરાતો માટે સર્ક્યુલર ઇશ્યુ કર્યો

29 January, 2023 10:03 IST | Bengaluru | Gujarati Mid-day Correspondent
રાષ્ટ્રીય સમાચાર

આઇએમએફને પાકિસ્તાનના બજેટના અંદાજમાં ૨૦૦૦ અબજનું ગાબડું જણાયું,લૉન માટે શરત મૂકી

પાકિસ્તાન અને આઇએમએફના અધિકારીઓ વચ્ચે મંગળવારથી વાતચીતની શરૂઆત થશે, જેમાં આર્થિક મોરચે નિર્ધારિત માપદંડોના પાલનમાં નિષ્ફળતા ચર્ચા માટે મુખ્ય વિષય હશે

29 January, 2023 09:45 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK