પંજાબ: નશા-વિરોધી કાર્યકર્તાની હત્યા! લોકોએ આરોપીની મૅડિકલ સ્ટોરને આગ ચાંપી

એસએસપી વૈભવ ચૌધરીએ કહ્યું, "અમને આ બાબત અંગે માહિતી મળી હતી. તેથી, કાયદો અને વ્યવસ્થા જાળવવા માટે અમે અહીં પોલીસ દળ સાથે આવ્યા છીએ. અમને ગેરકાયદેસર બાંધકામ વિશે માહિતી મળી હતી અને તે અંગે કાર્યવાહી કરવામાં આવી રહી છે."

પ્રતીકાત્મક ફાઇલ તસવીર

નશા સામે લડનાર સામાજિક કાર્યકર્તા પરવિંદર સિંહ ઝોટાની હત્યા બાદ પંજાબના માનસા જિલ્લામાં તણાવ વધી ગયો છે. તેમની હત્યાની ઘટનાથી રોષે ભરાયેલા ટોળાએ આરોપીના મૅડિકલ સ્ટોરને આગ ચાંપી દીધી હતી. પોલીસે મુખ્ય આરોપીની રાજસ્થાનથી ધરપકડ કરી છે અને વિસ્તારમાં પોલીસનો મોટો કાફલો તહેનાત કરવામાં આવ્યો છે.

ફેસબુક લાઈવ દરમિયાન ગોળીબાર

ADVERTISEMENT

Mansa, Punjab: Public anger erupts over the killing of anti-drug activist Parvinder Singh Jhota as the accused`s shop is set on fire following the bulldozer action. https://t.co/S2Rxrt2b05

— IANS (@ians_india) October 14, 2026

મંગળવારે, પરવિંદર સિંહ ઝોટાએ માનસામાં મૅડિકલ સ્ટોરના માલિક અશ્વિનીનો સામનો કર્યો અને તેના પર નશીલી ગોળીઓ વેચવાનો આરોપ મૂક્યો. અહેવાલો અનુસાર, તેઓ આ આરોપો સાથે ફેસબુક પર લાઈવ-સ્ટ્રીમિંગ કરી રહ્યા હતા. આ દરમિયાન બોલાચાલી વધી ગઈ અને દુકાનદારે કથિત રીતે ગોળીબાર કર્યો જેમાં તેણે પોતાની લાયસન્સવાળી પિસ્તોલનો ઉપયોગ કર્યો હોવાનું કહેવાય છે. આ ગોળીબારમાં પરવિંદર સિંહ ઝોટાનું મોત થયું હતું, જ્યારે તેમના ચાર સાથીદારો ઘાયલ થયા હતા.

રાજસ્થાનથી મુખ્ય આરોપીની ધરપકડ

ઘટના બાદ તરત જ આરોપી અશ્વિની પંજાબથી ભાગી ગયો હતો. બુધવારે રાજસ્થાનના ચુરુ જિલ્લામાંથી તેની ધરપકડ કરવામાં આવી હતી. પોલીસે ત્વરિત કાર્યવાહી કરીને આરોપીને કસ્ટડીમાં લીધો હતો. માનસાના એસએસપી (SSP) વૈભવ ચૌધરીએ મીડિયાને જણાવ્યું હતું કે કાયદો અને વ્યવસ્થા જાળવવા માટે વિસ્તારમાં પોલીસ જવાનો તહેનાત કરવામાં આવ્યા છે. વહીવટીતંત્રે ગેરકાયદેસર બાંધકામ સામે કાર્યવાહી કરતા આરોપીનું ઘર પણ તોડી પાડ્યું છે. એસએસપી વૈભવ ચૌધરીએ કહ્યું, "અમને આ બાબત અંગે માહિતી મળી હતી. તેથી, કાયદો અને વ્યવસ્થા જાળવવા માટે અમે અહીં પોલીસ દળ સાથે આવ્યા છીએ. અમને ગેરકાયદેસર બાંધકામ વિશે માહિતી મળી હતી અને તે અંગે કાર્યવાહી કરવામાં આવી રહી છે."

#WATCH | Punjab: House of the man, accused of shooting anti-drug activist Parvinder Singh Jhota, being demolished in Mansa. Police personnel are present at the spot. The accused was arrested from Churu, Rajasthan earlier today. https://t.co/UOl9AmkKWG

— ANI (@ANI) October 14, 2026

`વારિસ પંજાબ દે`ના સભ્યો અટકાયતમાં

દરમિયાન, `વારિસ પંજાબ દે`ના વડા અમૃતપાલ સિંહના પિતા તરસેમ સિંહે દાવો કર્યો છે કે સંગઠનના કેટલાક સભ્યોની પોલીસે અટકાયત કરી છે. આ સભ્યો બુધવારે માનસાની મુલાકાત લેવાનું આયોજન કરી રહ્યા હતા. પોલીસ હાલમાં પરિસ્થિતિ પર નજર રાખી રહી છે અને વિસ્તારમાં શાંતિ અને વ્યવસ્થા જાળવવા માટે સતત પેટ્રોલિંગ કરી રહી છે.