આ કેસમાં પોલીસે ખૂબ જ સમજદારી દાખવીને સૌથી પહેલાં આ વૃદ્ધનો વિશ્વાસ જીત્યો હતો અને એ પછી તેમની ધરપકડ કરી હતી
પ્રતીકાત્મક તસવીર
કાનપુરના શ્યામ નગરમાં ગઈ કાલે પારિવારિક ઝઘડામાં ગુસ્સે ભરાયેલા એક વૃદ્ધે ભારે હંગામો મચાવ્યો હતો. તેમણે પોતાના પરિવારના સભ્યોને માર માર્યો હતો અને તેમને એક રૂમમાં પૂરી દીધા હતા. તેમણે પોતાના પરિવારજનોને સળગાવવાની પણ ધમકી આપી હતી.
આ પરિવારમાંથી એક જણે પોલીસને કૉલ કર્યો હતો. મોટી સંખ્યામાં પોલીસનો કાફલો ત્યાં પહોંચી ગયો હતો. જોકે પોલીસને જોઈને વધુ ઉશ્કેરાઈ ગયેલા આ વૃદ્ધે પોતાની ડબલ બેરલ બંદૂકથી પોલીસ પર ફાયરિંગ શરૂ કર્યું હતું, જેમાં ત્રણ પોલીસને ઈજા થઈ હતી.
ADVERTISEMENT
આરકે દુબે નામના આ વૃદ્ધની તેમની પુત્રવધૂની સાથે કોઈ બાબતે બોલાચાલી થઈ હતી અને એટલે તેઓ રોષે ભરાયા હતા. આ કેસમાં પોલીસે ખૂબ જ સમજદારી દાખવીને સૌથી પહેલાં આ વૃદ્ધનો વિશ્વાસ જીત્યો હતો અને એ પછી તેમની ધરપકડ કરી હતી.
