° °

આજનું ઇ-પેપર
Saturday, 29 January, 2022


Omicron Effect: હવે 15 ડિસેમ્બરથી આંતરરાષ્ટ્રીય ફ્લાઇટ્સ નહીં થાય શરૂ, જાણો વિગત 

01 December, 2021 04:47 PM IST | mumbai | Gujarati Mid-day Online Correspondent

. કેન્દ્ર સરકાર દ્વારા 15 ડિસેમ્બરથી આંતરરાષ્ટ્રીય ફ્લાઇટ્સ શરૂ કરવાનો નિર્ણય મોકૂફ રાખવામાં આવ્યો છે.

પ્રતીકાત્મક તસવીર

પ્રતીકાત્મક તસવીર

ઓમિક્રોન (Omicron)ને કારણે મોટા ભાગના દેશો સતર્કતા દાખવી રહ્યાં છીએ. કેન્દ્ર સરકાર દ્વારા 15 ડિસેમ્બરથી આંતરરાષ્ટ્રીય ફ્લાઇટ્સ શરૂ કરવાનો નિર્ણય મોકૂફ રાખવામાં આવ્યો છે. હકીકતે ડિરેક્ટોરેટ જનરલ ઓફ સિવિલ એવિએશન (DGCA) એ કહ્યું છે કે તે હજુ આ અંગે વિચાર-વિમર્શ કરી રહ્યું છે અને ટૂંક સમયમાં આંતરરાષ્ટ્રીય પેસેન્જર ફ્લાઇટ સેવાઓ ફરી શરૂ કરવા અંગે નિર્ણય લેશે. 

DGCAએ કહ્યું કે તે કોરોનાવાયરસના નવા પ્રકારોના ઉદ્ભવને ધ્યાનમાં રાખીને પરિસ્થિતિ પર નજીકથી નજર રાખી રહ્યું છે. હાલમાં 15 ડિસેમ્બરથી આંતરરાષ્ટ્રીય ફ્લાઇટ્સ શરૂ થશે નહીં. પરિસ્થિતિ અનુસાર આગામી તારીખે નિર્ણય લેવામાં આવશે.

અગાઉ, નાગરિક ઉડ્ડયન મંત્રાલયે કહ્યું હતું કે 15 ડિસેમ્બરથી કોમર્શિયલ ઇન્ટરનેશનલ પેસેન્જર સેવાઓ ફરી શરૂ કરવા અંગે ગૃહ મંત્રાલય, વિદેશ મંત્રાલય અને આરોગ્ય-પરિવાર કલ્યાણ મંત્રાલય સાથે ચર્ચા કરવામાં આવી હતી. આ પછી નિર્ણય લેવામાં આવ્યો કે 15 ડિસેમ્બર 2021થી ભારતમાં અને ત્યાંથી કોમર્શિયલ ઇન્ટરનેશનલ પેસેન્જર સેવાઓ ફરી શરૂ કરી શકાશે. ગૃહ મંત્રાલય ત્રણ દેશોની યાદી તૈયાર કરશે. આના આધારે આંતરરાષ્ટ્રીય ફ્લાઇટ્સનું સંચાલન કરવામાં આવશે. જો કે, આ પછી ઓમિક્રોને પરિસ્થિતિ બદલી છે.

જોખમ ધરાવતા દેશોમાં હોંગકોંગ અને ઈઝરાયેલને પણ ઉમેરવામાં આવ્યા છે. આરોગ્ય અને પરિવાર કલ્યાણ મંત્રાલયે હોંગકોંગ અને ઇઝરાયેલને પણ એવા દેશોની યાદીમાં ઉમેર્યા છે જ્યાંથી પ્રવાસીઓએ આગમન પછીના પરીક્ષણ સહિત વધારાના પરિમાણોનું પાલન કરવું પડશે. જેમાં બ્રિટન, દક્ષિણ આફ્રિકા, બ્રાઝિલ, બાંગ્લાદેશ, બોત્સ્વાના, ચીન, મોરેશિયસ, ન્યુઝીલેન્ડ, ઝિમ્બાબ્વે, સિંગાપોર, હોંગકોંગ અને ઈઝરાયેલ સહિતના યુરોપીયન દેશોનો સમાવેશ થાય છે.

નોંધનીય છે કે સાઉદ અરેબિયામાં પણ કોરોનાના ખતરનાક વેરિયન્ટની એન્ટ્રી થઈ ગઈ છે. સાઉદ અરેબિયાએ બુધવારે જણાવ્યું કે દેશમાં કોરોનાના આ નવા વેરિયન્ટનો એક કેસ સામે આવ્યો છે. આફ્રિકી દેશમાંથી આવેલા વ્યક્તિમાં આ વેરિયન્ટ જોવા મળ્યો છે. 

01 December, 2021 04:47 PM IST | mumbai | Gujarati Mid-day Online Correspondent

અન્ય લેખો

રાષ્ટ્રીય સમાચાર

ભારતમાં Covid-19કેસમાં ઝડપી ઉછાળો, ચોથી લહેરનો સામનો કરી રહી છે દુનિયા- સરકાર

છેલ્લા 1 અઠવાડિયામાં દરરોજ 29 લાખ કેસ નોંધાયા છે. છેલ્લા 4 અઠવાડિયામાં આફ્રિકામાં કોવિડના કેસ ઘટી રહ્યા છે. એશિયામાં કોવિડના કેસ વધી રહ્યા છે. યૂરોપમાં પણ કેસ ઘટી રહ્યા છે."

20 January, 2022 07:05 IST | New Delhi | Gujarati Mid-day Online Correspondent
રાષ્ટ્રીય સમાચાર

ભારતમાં કોરોના સંક્રમણ અટકાવવા માટે લૉકડાઉન કેટલું જરૂરી? વાંચો WHOની સલાહ

કોવિડ-19ની ત્રીજી લહેરમાં દરરોજના બે લાખથી વધારે કેસ સામે આવી રહ્યા છે, પણ આ દરમિયાન જ વિશ્વ સ્વાસ્થ્ય સંગઠને કહ્યું કે ભારતમાં હાલ સંપૂર્ણ લૉકડાઉન લાગૂ પાડવાની જરૂર નથી.

19 January, 2022 06:21 IST | Mumbai | Gujarati Mid-day Online Correspondent
રાષ્ટ્રીય સમાચાર

Omicronની ઝડપે આવશે કોરોનાનો નવો ખતરનાક પ્રકારો: WHOએ આપી ચેતવણી

ઓમિક્રોન અગાઉ મળી આવેલા કોવિડ વેરિયન્ટ્સ કરતાં ઓછું ઘાતક હોવાનું માનવામાં આવે છે.

05 January, 2022 05:53 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK