Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સમાચાર > રાષ્ટ્રીય સમાચાર > આર્ટિકલ્સ > ખાદ્ય તેલની આયાતનું બિલ ૨૪ ટકા વધીને બે લાખ કરોડ રૂપિયે પહોંચ્યું

ખાદ્ય તેલની આયાતનું બિલ ૨૪ ટકા વધીને બે લાખ કરોડ રૂપિયે પહોંચ્યું

Published : 17 November, 2026 07:48 AM | IST | New Delhi
Gujarati Mid-day Correspondent | feedbackgmd@mid-day.com

૨૦૨૫-૨૬ના ઑઇલ યરમાં આયાત ૬ ટકા વધીને ૧.૬૯ કરોડ ટન થઈ; પામ ઑઇલની ખરીદીમાં વધારો

પ્રતીકાત્મક ફાઇલ તસવીર

પ્રતીકાત્મક ફાઇલ તસવીર


ભારતમાં ખાદ્ય તેલની આયાત ૨૦૨૫-૨૬ના વર્ષમાં ૬ ટકા વધીને ૧.૬૯ કરોડ ટન થઈ હતી. જોકે આયાત પાછળનું બિલ ૨૪ ટકા વધીને આશરે બે લાખ કરોડ રૂપિયા થયું હતું. સૉલ્વન્ટ એક્સ્ટ્રૅક્ટર્સ અસોસિએશન ઑફ ઇન્ડિયા (SEA)એ જાહેર કરેલા આંકડામાં આ માહિતી મળી હતી. અગાઉના ઑઇલ યર ૨૦૨૪-૨૫માં ૧.૬૦ કરોડ ટન ખાદ્ય તેલની આયાત થઈ હતી અને એના માટે આશરે ૧.૬૧ લાખ કરોડ રૂપિયાનો ખર્ચ થયો હતો.
બિનખાદ્ય વનસ્પતિ તેલ સહિતની કુલ આયાત પણ પાંચ ટકા વધીને ૧.૭૨ કરોડ ટન થઈ હતી. ભારતમાં સ્થાનિક ઉત્પાદન અને માગ વચ્ચેનું અંતર પૂરવા ૧૯૯૦ના દાયકાથી ખાદ્ય તેલની આયાત કરવામાં આવે છે. છેલ્લાં ૨૦ વર્ષમાં આયાતનું પ્રમાણ ૨.૮ ગણું થયું છે, જ્યારે એના પર થતો ખર્ચ લગભગ ૧૫ ગણો વધ્યો છે.
આ સમયગાળામાં રિફાઇન્ડ તેલની આયાત ઘટીને ૮.૨ લાખ ટન થઈ હતી, જ્યારે ક્રૂડ ખાદ્ય તેલની આયાત વધીને ૧.૬૧ કરોડ ટન થઈ હતી. પામ ઑઇલની આયાત ૮૨.૩ લાખ ટન થઈ હતી. ૧ નવેમ્બરે બંદરો અને સપ્લાય-ચેઇનમાં મળીને ખાદ્ય તેલનો કુલ જથ્થો ૨૩.૧ લાખ ટન હોવાનો અંદાજ છે.


Whatsapp-channel Whatsapp-channel

17 November, 2026 07:48 AM IST | New Delhi | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK