Army Vehicle Accident: જમ્મુ અને કાશ્મીરના ડોડા જિલ્લામાં ગુરુવારે એક મોટો અકસ્માત થયો. સેનાનું વાહન ખાડામાં પડી જતાં ઓછામાં ઓછા 10 સૈનિકોના મોત થયા. અધિકારીઓએ જણાવ્યું કે આ અકસ્માતમાં ઘણા સૈનિકો ઘાયલ પણ થયા છે.
સૈન્ય વાહન 200 ફૂટ નીચે ખીણમાં પડ્યું (તસવીર સૌજન્ય: સોશિયલ મીડિયા)
જમ્મુ અને કાશ્મીરના ડોડા જિલ્લામાં ગુરુવારે એક મોટો અકસ્માત થયો. સેનાનું વાહન ખાડામાં પડી જતાં ઓછામાં ઓછા 10 સૈનિકોના મોત થયા. અધિકારીઓએ જણાવ્યું કે આ અકસ્માતમાં ઘણા સૈનિકો ઘાયલ પણ થયા છે. આ અકસ્માત ભદરવાહ-ચંબા આંતરરાજ્ય માર્ગ પર ખન્ની ટોપ ખાતે થયો હતો. એવું કહેવામાં આવી રહ્યું છે કે હોસ્પિટલમાં દાખલ કેટલાક સૈનિકોની હાલત ગંભીર છે. તેમની સ્થિતિ પર નજર રાખવામાં આવી રહી છે. આ ઘટનાથી સમગ્ર વિસ્તારમાં શોકની લહેર ફેલાઈ ગઈ છે.
અધિકારીઓએ જણાવ્યું હતું કે બુલેટ-પ્રૂફ આર્મી વાહન, જેમાં 17 સૈનિકો હતા, એક ઉંચી ચોકી તરફ જઈ રહ્યું હતું ત્યારે ખન્ની ટોપ નજીક ડ્રાઇવરે વાહન પરનો કાબુ ગુમાવ્યો, જેના કારણે તે 200 ફૂટ ઊંડી ખાડીમાં પડી ગયું.
ADVERTISEMENT
અધિકારીઓએ જણાવ્યું હતું કે સેના અને પોલીસે તાત્કાલિક સંયુક્ત બચાવ કામગીરી શરૂ કરી હતી અને ઘણા સૈનિકોના મૃતદેહ બહાર કાઢ્યા હતા. તેમણે જણાવ્યું હતું કે બચાવેલા અન્ય સૈનિકો ઘાયલ થયા હતા, જેમાંથી ત્રણને ગંભીર ઈજાઓ થઈ હતી. સૈનિકોને સારવાર માટે એરલિફ્ટ કરીને ઉધમપુર લશ્કરી હોસ્પિટલમાં લઈ જવામાં આવ્યા હતા.
આ અકસ્માત ભાદરવાહ-ચંબા આંતરરાજ્ય માર્ગ પર ખન્ની ટોપ નજીક થયો હતો. ગુરુવારે, સૈન્યના જવાનો ઊંચાઈવાળી પોસ્ટ તરફ જઈ રહ્યા હતા. અધિકારીઓએ જણાવ્યું હતું કે ડ્રાઇવરે અચાનક વાહન પરનો કાબુ ગુમાવ્યો હતો, જે પછી વાહન ખાડામાં ખાબકી ગયો હતો. આ ભયાનક અકસ્માતમાં ચાર સૈનિકોના ઘટનાસ્થળે જ મોત થયા હતા. અન્ય ઘણા લોકો ઘાયલ થયા હતા જેમને તાત્કાલિક સારવાર માટે ખસેડવામાં આવ્યા હતા.
સેનાએ જણાવ્યું હતું કે અકસ્માત પછી તરત જ, સેના અને સ્થાનિક વહીવટીતંત્રની ટીમો ઘટનાસ્થળે પહોંચી હતી અને મુશ્કેલ ભૂપ્રદેશ અને પ્રતિકૂળ હવામાન હોવા છતાં બચાવ કામગીરી શરૂ કરી હતી. ઘાયલ સૈનિકોને ઘટનાસ્થળે પ્રાથમિક સારવાર આપવામાં આવી હતી અને બાદમાં તેમને વિશેષ તબીબી સારવાર માટે ઉધમપુર લઈ જવામાં આવ્યા હતા.
એવું કહેવામાં આવી રહ્યું છે કે હોસ્પિટલમાં દાખલ કેટલાક સૈનિકોની હાલત ગંભીર છે. તેમની સ્થિતિ પર નજર રાખવામાં આવી રહી છે. આ ઘટનાથી સમગ્ર વિસ્તારમાં શોકની લહેર ફેલાઈ ગઈ છે.
તાજેતરમાં, પાકિસ્તાનની ગુપ્તચર એજન્સી ઇન્ટર-સર્વિસિસ ઇન્ટેલિજન્સ (ISI) અને આતંકવાદી સંગઠન જૈશ-એ-મોહમ્મદે પ્રજાસત્તાક દિવસ પહેલાં ભારતમાં આતંક ફેલાવવા માટે મોટું કાવતરું ઘડી કાઢ્યું હતું અને એનું કોડનેમ 26-26 રાખવામાં આવ્યું હતું એમ ભારતની ગુપ્તચર એજન્સીઓએ જણાવ્યું હતું.
ઇન્ટેલિજન્સ ઇનપુટ મુજબ કાશ્મીરમાં મોટા હુમલાની યોજના હતી. આ સિવાય દિલ્હી અને અન્ય સંવેદનશીલ વિસ્તારોમાં હુમલો કરવાનો હતો. આ જાણકારી મળ્યા બાદ દેશભરમાં સુરક્ષા-એજન્સીઓ સતર્ક બની છે અને સુરક્ષા-વ્યવસ્થા સધન બનાવવામાં આવી છે.
