Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > કિડનીની કિંમત ૮૦થી ૯૦ લાખ

કિડનીની કિંમત ૮૦થી ૯૦ લાખ

06 December, 2023 12:08 PM IST | New Delhi
Gujarati Mid-day Correspondent | feedbackgmd@mid-day.com

અપોલો હૉસ્પિટલ મ્યાનમારના ગરીબો પાસેથી કિડની લઈને ધનવાન દેશોના લોકોને વેચી રહી હોવાનો આરોપ, તપાસનો આદેશ અપાયો

પ્રતીકાત્મક તસવીર

પ્રતીકાત્મક તસવીર


નવી દિલ્હી : અપોલો હૉસ્પિટલ્સની દિલ્હીમાં મુખ્ય ફેસિલિટી-ઇન્દ્રપ્રસ્થ અપોલો હૉસ્પિટલ ઇન્ટરનૅશનલ ‘કિડનીના બદલામાં કૅશ’ રૅકેટનું સેન્ટર હોવાનો ગંભીર આરોપ એક મીડિયા રિપોર્ટમાં મૂકવામાં આવ્યો છે. આ રિપોર્ટમાં જણાવાયું છે કે મ્યાનમારથી ગરીબ લોકો દિલ્હીમાં આવે છે અને તેમની કિડનીના બદલામાં ૮૦થી ૯૦ લાખ રૂપિયા મેળવે છે. ગેરકાયદે ખરીદવામાં આવેલી આ કિડનીઓ યુકે સહિત દુનિયાભરના ધનવાન પેશન્ટ્સને વેચવામાં આવી રહી છે. અપોલો હૉસ્પિટલ્સે આ મીડિયા રિપોર્ટને ફગાવ્યો છે. જોકે કેન્દ્રીય આરોગ્ય મંત્રાલય હેઠળના નૅશનલ ઑર્ગન ઍન્ડ ટિશ્યુ ટ્રાન્સપ્લાન્ટેશન ઑર્ગેનાઇઝેશને આ મામલે તપાસનો આદેશ આપ્યો છે. 

આ સરકારી એજન્સીના ડિરેક્ટર ડૉ. અનિલ કુમારે દિલ્હી સરકારમાં મુખ્ય સચિવ (હેલ્થ)ને લેટર લખીને આ મામલાની તપાસ કરીને યોગ્ય પગલાં લેવા જણાવ્યું છે. એટલું જ નહીં, શું પગલાં લીધાં એની વિગતો આપતો એક રિપોર્ટ એક અઠવાડિયામાં રજૂ કરવા પણ જણાવ્યું છે. આ મીડિયા રિપોર્ટમાં જણાવાયું છે કે આ રૅકેટમાં વ્યાપકપણે છેતરપિંડી કરવામાં આવે છે, જેમાં ‘ફેમિલી’ ફોટોગ્રાફ્સનો પણ સમાવેશ થાય છે. સરકારી ડૉક્યુમેન્ટ્સમાં ડોનર અને અંગ મેળવનાર વચ્ચે સંબંધ હોવાનું ખોટી રીતે પુરવાર કરવામાં આવે છે. ડોનરને આપવામાં આવતા રૂપિયાને ‘થૅન્ક યુ પેમેન્ટ’ તરીકે બતાવવામાં આવે છે.  


Whatsapp-channel Whatsapp-channel

06 December, 2023 12:08 PM IST | New Delhi | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK