° °

આજનું ઇ-પેપર
Wednesday, 14 April, 2021

જમ્મુ કાશ્મીરમાં અથડામણમાં બે આતંકવાદીઓ ઠાર

13 December, 2020 09:59 PM IST | Mumbai | Gujarati Mid-day Online Correspondent

જમ્મુ કાશ્મીરમાં અથડામણમાં બે આતંકવાદીઓ ઠાર

ફાઈલ ફોટો

ફાઈલ ફોટો

જમ્મુ-કાશ્મીરના પુંછ વિસ્તારમાં ચાલુ અથડામણમાં ભારતીય સુરક્ષાબળોને મોટી સફળતા મળી છે. ભારતીય જવાનોએ પાકિસ્તાનના ષડયંત્રને નિષ્ફળ બનાવ્યું છે. આ અથડામણમાં સુરક્ષાબળોએ 2 આતંકવાદીઓને ઠાર માર્યા હતા. આ વિસ્તારમાં સર્ચ ઓપરેશન ચાલું છે. રવિવારે પુંછ સ્થિત દુગરાન પોશાના વિસ્તારમાં સુરક્ષાદળો અને ત્રણ આતંકવાદીઓ વચ્ચે ફાયરિંગ થયું હતું.

આતંકવાદીઓમાં બે આતંકવાદીઓ પાકિસ્તાનના હતા. એક સ્થાનિય હતો. આ જાણકારી જમ્મુ-કાશ્મીર પોલીસે આપી છે. પોલીસના જણાવ્યા પ્રમાણે સુરક્ષાદળોએ આતંકવાદીઓને સરેન્ડર કરવા માટે કહ્યું હતું. પરંતુ તેમણે ફાયરિંગ શરૂ કર્યું હતું.

ત્યારબાદ ભારતીય સુરક્ષાદળોએ જડબાતોડ જવાબ આપ્યો હતો. ગત બુધવારે જ રાજ્યના પુલવામા જિલ્લામાં સુરક્ષાદળોએ ત્રણ આતંકવાદીઓને ઠાર માર્યાહતા. આ ગોળીબારીમાં એક સ્થાનિક નાગરીક ઘાયલ થયો હતો. પોલીસ અધિકારીઓ પાસેથી મળતી માહિતી પ્રમાણે સુરક્ષાદળોએ પુલવામાના તિક્કન વિસ્તારમાં સર્ચ ઓપરેશન ચાલુ કર્યું હતું. તેમણે જણાવ્યું હતું કે આતંકવાદીઓ તરફથી પહેલા ગોળીબારી શરુ થઈ હતી.

તાજેતરમાં જમ્મુ-કાશ્મીરમાં પાકિસ્તાને પોતાની ગતિવિધિઓ તેજ કરી દીધી છે. થોડા સપ્તાહ પહેલા સુરક્ષાદળોને નરરોટા શહેરમાં મોટી સફળતા મળી હતી. અહીં જવાનોએ જૈશ-એ-મોહમ્મદના ચાર આતંકવાદીઓને ઠાર માર્યા હતા. જમ્મુ-કાશ્મીરમાં ડિસ્ટ્રિક્ટ ડેવલોપમેન્ટ બોર્ડની ચૂંટણી ચાલું છે. જેના પગલે રાજ્યમાં સુરક્ષા વ્યવસ્થા ખૂબ જ કડક બનાવી છે. 

13 December, 2020 09:59 PM IST | Mumbai | Gujarati Mid-day Online Correspondent

અન્ય લેખો

રાષ્ટ્રીય સમાચાર

Sputnik Vની મંજૂરી બાદ હવે ટૂંકમાં મળશે ડોઝ, ભારતમાં બનશે 85 કરોડ ડોઝ

રશિયન બનાવટની કોવિડ રસી સ્પુતનિત વીને ભારતમાં મંજૂરી આપવામાં આવી છે. તેમ જ સમાચાર અનુસાર દેશમાં પાંચ ફાર્મા કંપનીઓ દ્વારા સ્પુતનિક વીની વેક્સિનને બનાવવામાં આવશે અને વાર્ષિક 850 મિલિયન (85 કરોડ) રસીનું ઉત્પાદન થવા જઈ રહ્યું છે.

13 April, 2021 04:29 IST | New Delhi | Gujarati Mid-day Online Correspondent
રાષ્ટ્રીય સમાચાર

બે કલાકથી ઓછા સમયવાળી ફ્લાઇટમાં ભોજનની સુવિધા નહીં

કોરોનાના વધતા જતા કેસને ધ્યાનમાં રાખીને સરકારે હવાઈ યાત્રા સંબંધમાં નવી સૂચના જાહેર કરી છે

13 April, 2021 11:36 IST | New Delhi | Gujarati Mid-day Correspondent
રાષ્ટ્રીય સમાચાર

મમતાને ૨૪ કલાક સુધી પ્રચાર કરવાની મનાઈ

આચારસંહિતાની જોગવાઈઓનો ભંગ કરવા બદલ અને જનતાના પ્રતિનિધિત્વને લગતા ૧૯૫૧ના ધારા હેઠળના અમુક નિયમોનો ભંગ કરવા બદલ તેમના પર આ પ્રતિબંધ મૂકવામાં આવ્યો છે

13 April, 2021 11:02 IST | Kolkata | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK