કસબ પાછળ અત્યાર સુધી ૧૬ કરોડનો ખર્ચ
સ્ટેટ હોમ ડિપાર્ટમેન્ટે આર્થર રોડ જેલમાં રાખવામાં આવેલા આ આતંકવાદીની સુરક્ષા માટે કુલ ૧૬ કરોડ ૧૭ લાખ રૂપિયાનો ખર્ચો કર્યો છે. એમાં જેલમાં સ્પેશ્યલ સેલ બનાવવો, તેની સુરક્ષા ઇન્ડો-તિબેટિયન બૉર્ડર પોલીસને સોંપવી તથા તેના ખોરાક તેમ જ દવા પાછળના ખર્ચનો સમાવેશ છે. તેની સારવાર પાછળ અત્યાર સુધીમાં ૨૬,૯૫૩ રૂપિયાનો ખર્ચ થયો છે. જોકે આ ખર્ચમાં સ્પેશ્યલ પબ્લિક પ્રોસિક્યુટરની ફીનો સમાવેશ નથી. ૫ કરોડ ૨૯ લાખ રૂપિયાના ખર્ચે સ્પેશ્યલ સેલ બનાવવામાં આવ્યો છે. તેની સુરક્ષા માટે ઇન્ડો-તિબેટિયન બૉર્ડર પોલીસને રાખવાનો ખર્ચ ૧૦ કરોડ ૮૭ લાખ રૂપિયા થયો છે. તેના ભોજન માટે ૨૭,૫૨૦ રૂપિયાનો ખર્ચ થયો છે.
