ગઈ કાલે બુધવારે જ મહારાષ્ટ્રના મુખ્યમંત્રી દેવેન્દ્ર ફડણવીસે વિધાન પરિષદમાં પોતાના જૂના સાથી રહી ચૂકેલા ઉદ્ધવ ઠાકરેને સત્તા પક્ષમાં સામેલ થવાનો પ્રસ્તાવ આપ્યો હતો. જો કે, આ પ્રસ્તાવ પર આખા સદને મજાક કરી રહી, પણ શિવસેના (UBT) પ્રમુખે મૌન સેવ્યું હતું.
ઉદ્ધવ ઠાકરે અને દેવેન્દ્ર ફડણવીસે કરી બંધ બારણે કરી મુલાકાત (ફાઈલ તસવીર)
મહારાષ્ટ્ર વિધાનસભામાં આજે એક મહત્ત્વની રાજનૈતિક હિલચાલ જોવા મળી. મુખ્યમંત્રી દેવેન્દ્ર ફડણવીસ અને શિવસેના (ઉદ્ધવ જૂથ) પ્રમુખ ઉદ્ધવ ઠાકરે વચ્ચે એક બંધ બારણામાં મુલાકાત થઈ. આ બેઠક વિધાન પરિષદના સભાપતિ રામ શિંદેના કક્ષમાં લગભગ 20 મિનિટ સુધી ચાલી. આ મીટિંગમાં આદિત્ય ઠાકરે પણ હાજર હતા.
આ મુલાકાત એવા સમયે થઈ છે જ્યારે એક દિવસ પહેલા જ દેવેન્દ્ર ફડણવીસે ઉદ્ધવ ઠાકરેને સરકારમાં સામેલ થવાની ઑફર આપી હતી.
ADVERTISEMENT
આ મુદ્દાઓ પર થઈ ચર્ચા
સૂત્રો પ્રમાણે, આ મીટિંગમાં અનેક મુદ્દાઓ પર ચર્ચા થઈ. આમાં વિધાનસભામાં નેતા પ્રતિપક્ષનું પદ, રાજ્યમાં ત્રિ-ભાષા નીતિ જેવા મહત્ત્વના મુદ્દાઓ પર ચર્ચા થઈ.
કયા રાજ્યમાં બની રહ્યા છે નવા રાજનૈતિક સમીકરણ
જો કે, બન્ને નેતાઓ તરફથી આ મુલાકાતને લઈને કોઈ અધિકારિક નિવેદન આવ્યું નથી, પણ આ મુલાકાતને મહારાષ્ટ્રના રાજકારણમાં નવા શક્ય સમીકરણોના સંકેત તરીકે જોવામાં આવી રહી છે.
ગઈ કાલે જ દેવેન્દ્ર ફડણવીસે આપી હતી ઑફર
નોંધનીય છે કે ગઈ કાલે બુધવારે જ મહારાષ્ટ્રના મુખ્યમંત્રી દેવેન્દ્ર ફડણવીસે વિધાન પરિષદમાં પોતાના જૂના સાથી રહી ચૂકેલા ઉદ્ધવ ઠાકરેને સત્તા પક્ષમાં સામેલ થવાનો પ્રસ્તાવ આપ્યો હતો. જો કે, આ પ્રસ્તાવ પર આખા સદને મજાક કરી રહી, પણ શિવસેના (UBT) પ્રમુખે મૌન સેવ્યું હતું.
ઉદ્ધવે શું કહ્યું?
જોકે, ફડણવીસની આ ઑફર પર, ઉદ્ધવ ઠાકરેએ પાછળથી મીડિયાને કહ્યું કે કેટલીક બાબતોને મજાક તરીકે લેવી જોઈએ.
ફડણવીસનું સંપૂર્ણ નિવેદન શું હતું
તમને જણાવી દઈએ કે દેવેન્દ્ર ફડણવીસે વિધાન પરિષદમાં વિપક્ષના નેતા અંબાદાસ દાનવેના કાર્યકાળના અંત પ્રસંગે આયોજિત વિદાય સમારંભ દરમિયાન આ નિવેદન આપ્યું હતું. ઉદ્ધવને શાસક પક્ષમાં જોડાવાનો પ્રસ્તાવ મૂકતી વખતે, મુખ્યમંત્રીએ કહ્યું હતું કે, `જુઓ ઉદ્ધવ જી, 2029 સુધી અમારા માટે ત્યાં (વિપક્ષમાં) આવવાની કોઈ તક નથી... પરંતુ તમે અહીં (શાસક પક્ષ) આવી શકો છો, આનો વિચાર કરી શકાય છે. અમે આને અલગ રીતે વિચારી શકીએ છીએ. પરંતુ અમારા માટે ત્યાં જવાનો કોઈ વિકલ્પ બચ્યો નથી.` તેમણે એમ પણ કહ્યું કે જ્યાં પણ અંબાદાસ દાનવે છે, તેમના વાસ્તવિક વિચારો રાષ્ટ્રવાદી છે.
મહારાષ્ટ્રનું રાજકીય સમીકરણ
ફડણવીસનું આ નિવેદન એવા સમયે આવ્યું છે જ્યારે મહારાષ્ટ્રના રાજકારણમાં ગઠબંધન અને સંઘર્ષનો તબક્કો છે. 2019 ની વિધાનસભા ચૂંટણી પછી, મુખ્યમંત્રી પદ પર મતભેદોને કારણે ભાજપ અને શિવસેના (ઉદ્ધવ ઠાકરેના નેતૃત્વ હેઠળ) વચ્ચેનું ગઠબંધન તૂટી ગયું, ત્યારબાદ ઉદ્ધવે મહા વિકાસ આઘાડી (MVA) ની રચના કરી અને સરકાર બનાવી. જોકે, એકનાથ શિંદેના બળવા પછી 2022 માં ઉદ્ધવની સરકાર પડી ગઈ. આ પછી, એકનાથ શિંદેએ ભાજપના સમર્થનથી સરકાર બનાવી.
