ATSએ પણ NGOને ક્યાંથી ફન્ડિંગ મળતું હતું એની તપાસ શરૂ કરી
પકડાયેલો આરોપી રિયાઝ કાઝી.
નાગપુરમાં ગરીબ બાળકો માટે કામ કરતા એક નૉન-ગવર્નમેન્ટલ ઑર્ગેનાઇઝેશન (NGO)ના પ્રમુખ વિરુદ્ધ અનેક યુવતીઓના જાતીય શોષણ, ધાર્મિક બળજબરી, બદનક્ષી અને સાઇબર સ્ટોકિંગના આરોપમાં શનિવારે રાત્રે ૧૦ વાગ્યાની આસપાસ માનકાપુર પોલીસ-સ્ટેશનમાં ફર્સ્ટ ઇન્ફર્મેશન રિપોર્ટ (FIR) નોંધવામાં આવ્યો હતો.
FIR નોંધાયા બાદ NGO શંકાના ઘેરામાં આવી ગયું હતું. પોલીસે જણાવ્યું હતું કે કેસ દાખલ થયા પછી તરત જ આરોપી રિયાઝ કાઝીની ધરપકડ કરવામાં આવી હતી. ઍન્ટિ-ટેરરિસ્ટ સ્ક્વૉડ (ATS)એ NGOના બૅકગ્રાઉન્ડ, ફાઇનૅન્શિયલ ટ્રાન્ઝૅક્શન્સ અને ગરીબ પરિવારોનાં બાળકોને શિક્ષણ આપવાના એના મિશન ઉપરાંતનાં સંભવિત જોડાણોની તપાસ શરૂ કરી છે એમ સૂત્રોએ જણાવ્યું હતું.
ADVERTISEMENT
મુખ્ય ફરિયાદી ૨૩ વર્ષની મહિલા છે જે સપ્ટેમ્બર ૨૦૨૩થી NGOમાં ઍડ્મિન અને HR હેડ તરીકે કાર્યરત છે. FIR મુજબ આરોપી NGOમાં કામ કરતી યુવતીઓની જાતીય સતામણી કરતો હતો. તેણે યુવતીઓ પર નજર રાખવા નકલી ઇન્સ્ટાગ્રામ અકાઉન્ટ પણ બનાવ્યું હતું. ફીલ્ડ-વિઝિટ દરમ્યાન ચોક્કસ ધર્મની પ્રાર્થનાઓ વાંચવા અને આખા શરીરને ઢાંકતાં ચોક્કસ કપડાં પહેરવા માટે દબાણ કરવામાં આવ્યું હતું. આ કેસમાં ૩ મહિલાઓ ફરિયાદ નોંધાવવા આગળ આવી છે.
