° °

આજનું ઇ-પેપર
Saturday, 19 June, 2021


મુંબઈ : અપહરણનો કેસ મહારાષ્ટ્ર અને બિહાર પોલીસે મળીને ઉકેલ્યો

23 October, 2020 09:52 AM IST | Mumbai | Agency

મુંબઈ : અપહરણનો કેસ મહારાષ્ટ્ર અને બિહાર પોલીસે મળીને ઉકેલ્યો

પ્રતીકાત્મક તસવીર

પ્રતીકાત્મક તસવીર

અભિનેતા સુશાંત સિંહ રાજપૂતના મૃત્યુ કેસમાં સામસામે આવી ગયેલી મહારાષ્ટ્ર અને બિહારની પોલીસે સગીર બાળકના અપહરણનો કેસ સાથે મળીને ઉકેલી મુંબઈમાંથી તેના આરોપીની ધરપકડ કરી હોવાનું પોલીસ અધિકારીએ ગઈ કાલે જણાવ્યું હતું.

સાત વર્ષના બાળકનું ૧૪ ઑક્ટોબરે બિહારના ચંપારણ જિલ્લામાં ગાંઠા પોલીસ સ્ટેશનની હદમાં આવેલા વિસ્તારમાંથી અપહરણ કરાયું હોવાનું જણાવતાં મુંબઈ પોલીસના અધિકારીએ વધુમાં ઉમેર્યું હતું કે ૧૯ ઑક્ટોબરે બાળકના પરિવારને ૨૦ લાખ રૂપિયાની ખંડણીનો ફોન આવ્યો હતો, જે આપવામાં ન આવે તો બાળકને મારી નાખવાની ધમકી પણ આપવામાં આવી હતી.

કેસમાં આવેલા ફોનની તપાસ કરાતાં એ મુંબઈના કાંદિવલી વિસ્તારમાંથી આવ્યો હોવાની જાણ થતાં બિહાર પોલીસે મદદ માટે મુંબઈ પોલીસનો સંપર્ક કરી એની સહાયથી મંગળવારે કાંદિવલીમાંથી આરોપી રિયાસુદ્દીન અન્સારીની ધરપકડ કરવામાં આવી હતી.

આરોપીના ફોનની વિગતો પરથી બિહાર પોલીસે તેના સતત સંપર્કમાં રહેનારા ૩૫ વર્ષના ખાન મોહમ્મદ અન્સારી, ૨૨ વર્ષના અલાઉદ્દીન અન્સારી અને ૩૫ વર્ષના મુસ્લિમ અન્સારીની ધરપકડ કરી હતી.

આરોપીએ જણાવ્યા મુજબ અપહરણ કરાયેલા બાળકને ઉત્તર પ્રદેશના ખુશીનગર જિલ્લાના પદ્રોણા પોલીસ સ્ટેશનની હદમાં આવેલા જંગલમાંથી બચાવાયો હતો. દેવાના બોજ હેઠળ રહેલા ખાન મોહમ્મદ અન્સારીએ ખંડણીની રકમ મેળવવા માટે અપહરણનું કાવતરું ઘડ્યું હતું. તમામ આરોપીઓ બાળકના પરિવારના સભ્યોને સારી રીતે ઓળખતા હતા.

મુંબઈથી ધરપકડ કરાયેલા આરોપી રિયાસુદ્દીન અન્સારીને બુધવારે બિહાર પોલીસને સોંપવામાં આવ્યો હતો.

23 October, 2020 09:52 AM IST | Mumbai | Agency

અન્ય લેખો

મુંબઈ સમાચાર

Corona: કૉંગ્રેસનો ઉદ્ધવ ઠાકરેને પત્ર, મુંબઇ લેવલ-3 થકી ટ્રેડર્સ સાથે અન્યાય

Mumbai Congressએ મુખ્યમંત્રી ઉદ્ધવ ઠાકરેને પત્ર લખીને કોવિડ સંક્રમણને અટકાવવા માટે લાગૂ પાડવામાં આવેલા લૉકડાઉન જેવા પ્રતિબંધોમાં દેશની આર્થિક રાજધાનીને લેવલ 3થી લેવલ 1માં શિફ્ટ કરવાની વાત કરી છે.

19 June, 2021 07:16 IST | Mumbai | Gujarati Mid-day Online Correspondent
મુંબઈ સમાચાર

થાણેમાં બ્લૅક ફંગસનાં ઇન્જેક્શન બ્લૅકમાં વેચનારા બે જણ પકડાયા

એક આરોપી મહાનગરપાલિકામાં માર્શલ છે તો બીજો એક મેડિકલ કંપનીમાં કામ કરતો હોવાનું પોલીસે જણાવ્યું હતું

19 June, 2021 03:01 IST | Mumbai | Gujarati Mid-day Correspondent
મુંબઈ સમાચાર

ટ્રાન્સપ્લાન્ટ કરાવનારા દરદીઓ માટે રસીના બે નહીં, ત્રણ ડોઝ

ડૉક્ટરોનું માનવું છે કે ટ્રાન્સપ્લાન્ટ કરાવનારા દરદીઓમાં ઇમ્યુનોલૉજિકલ રિસ્પૉન્સ ન જણાય તો તેમને બૂસ્ટર ડોઝ આપવા માટે વિચારવું જોઈએ

19 June, 2021 03:29 IST | Mumbai | Somita Pal

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK