° °

આજનું ઇ-પેપર
Tuesday, 11 May, 2021


મુલુંડના જમ્બો કોવિડ સેન્ટરનો જમ્બો પ્રૉબ્લેમ: ૨૦ જ ICU બેડ

14 April, 2021 08:28 AM IST | Mumbai | Gujarati Mid-day Correspondent

૧૬૦૦ બેડની ફૅસિલિટીમાં ૧૦ ટકાના સ્થાને માત્ર સવા ટકા જ ICU બેડને લીધે ગંભીર પેશન્ટોની ટ્રીટમેન્ટમાં થઈ રહી છે મહામુસીબત

મુલુંડનું જમ્બો કોવિડ સેન્ટર, અહીં આઇસીયુના ૨૦ જ બેડ હોવાથી ડૉક્ટરોને તકલીફોનો સામનો કરવો પડી રહ્યો છે

મુલુંડનું જમ્બો કોવિડ સેન્ટર, અહીં આઇસીયુના ૨૦ જ બેડ હોવાથી ડૉક્ટરોને તકલીફોનો સામનો કરવો પડી રહ્યો છે

શહેરમાં કોરોનાને લઈને દિવસે-દિવસે પરિ‌સ્થિતિ બગડી રહી છે ત્યારે સૌથી વધુ કફોડી હાલત મુલુંડના જમ્બો કોવિડ સેન્ટરમાં જોવા મળી રહી છે. સુધરાઈએ શહેરનાં જમ્બો કોવિડ સેન્ટરોમાં કુલ બેડની સંખ્યાના દસ ટકા બેડ આઇસીયુ માટે ફાળવ્યા છે, પણ મુલુંડના સેન્ટરમાં ૧,૬૦૦ બેડની સામે આઇસીયુના ફક્ત ૨૦ જ બેડ હોવાથી ડૉક્ટરોને સિરિયસ દરદીઓની સારવાર કરવામાં બહુ જ તકલીફનો સામનો કરવો પડી રહ્યો છે. તેમણે સુધરાઈને આઇસીયુ બેડ વધારી આપવાની માગણી કરી હોવા છતાં હજી સુધી કંઈ નક્કર પરિણામ નથી આવ્યું. આ જ કારણસર અત્યારે તેમણે જનરલ વૉર્ડમાં સેમી-આઇસીયુ બનાવીને દરદીઓની સારવાર કરવી પડી રહી છે અને એમાં તેઓ જબરદસ્ત મુશ્કેલીઓનો સામનો કરી રહ્યા છે.

મુંબઈમાં પાલિકાએ સ્થાપેલાં પાંચ જમ્બો કોવિડ સેન્ટરોમાં કોરોનાના દરદીઓ માટે આશરે ૧૧,૦૦૦ બેડ રાખવામાં આવ્યા છે. એમાં સોમવારે બીજાં બે સેન્ટરનો ઉમેરો કરવામાં આવ્યો હતો. બાંદરા-કુર્લા કૉમ્પ્લેક્સના જમ્બો કોવિડ સેન્ટરમાં ૧૬૫૦ બેડની સુવિધા છે તો અહીં ૨૦૦ જેટલા બેડ આઇસીયુના રાખવામાં આવ્યા છે. એવી જ રીતે ગોરેગામના નેસ્કો સેન્ટરમાં ૧૨૦૦ બેડની સુવિધા છે તો અહીં ૧૭૦ જેટલા આઇસીયુ બેડ રાખવામાં આવ્યા છે. દહિસરના જમ્બો કોવિડ સેન્ટરમાં ૮૦૦ બેડની સામે ૧૧૦ આઇસીયુ બેડ છે. જો મુલુંડની વાત કરીએ તો મુલુંડમાં ૧૬૦૦ બેડની સુવિધા છે, પણ અહીં માત્ર ૨૦ બેડ જ આઇસીયુના રાખવામાં આવ્યા છે. એને કારણે અહીં ઇલાજ કરતા ડૉક્ટરોને મોટી પરેશાનીઓનો સામનો કરવો પડે છે. સાથે અહીં ઍડ્મિટ થતા ગંભીર દરદીઓની સારવાર કરવામાં પણ ડૉક્ટરોને તકલીફ થઈ રહી છે.

મુલુંડના જમ્બો કોવિડ સેન્ટરના એક ડૉક્ટરે ‘મિડ-ડે’ને કહ્યું હતું કે ‘અહીં રોજના આશરે ૧૫૦ દરદીઓ આવે છે. એમાં મોટા ભાગના સિનિયર સિટિઝનો અમારી પાસે આવતા હોય છે. મુલુંડની પ્રાઇવેટ હૉસ્પિટલોમાં આઇસીયુના બેડ કોઈ જગ્યાએ ઉપલ્બધ ન થવાથી અનેક સિરિયસ દરદીઓ ઇલાજ માટે અમારી પાસે આવતા હોય છે, પણ અમારી પાસે માત્ર ૨૦ જ બેડ હોવાથી અમારે સાદા બેડ પર જ તેમનો ઇલાજ કરવો પડે છે.’

14 April, 2021 08:28 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

કૉન્સ્ટેબલના ધાવણ પર સચવાયેલા બાળકનો મેળાપ આખરે માં સાથે થયો

. એક માએ તેના બે મહિનાના બાળકને ગરીબીને કારણે ત્યજી દીધું હતું. પોલીસ સ્ટેશનમાં એક કોન્સ્ટેબલે આ બાળકને પોતાનું દૂધ પાઇને બચાવ્યું. આ કોન્સ્ટેબલની વાત ભલભલાના દીલ જીતી રહી છે

10 May, 2021 06:26 IST | Mumbai | Shirish Vaktania
મુંબઈ સમાચાર

મુંબઇમાં સતત બીજા દિવસે પણ કોવેક્સિનનો બીજો ડોઝ ન મળતા લોકો રોષે ભરાયા

મુંબઇના વેક્સિનેશન સેન્ટરમાં સોમવારે પણ કોવેક્સિન નો ડોઝિસ ન મળ્યા હોવાનો સતત બીજો દિવસ રહ્યો. કોવેક્સિન આઉટ ઑફ સ્ટૉક હોવાને કારણે આ પરિસ્થિતિ સર્જાઇ છે અને આ કારણે નાગરિકો  ભારે રોષે ભરાયા છે

10 May, 2021 04:56 IST | Mumbai | Gujarati Mid-day Online Correspondent
મુંબઈ સમાચાર

નવી મુંબઈમાં ઇલેક્ટ્રિક શૉક લાગતાં સગીર હેલ્પરનું મોત

નવી મુંબઈમાં આવેલી મહાપે એમઆઇડીસી ખાતેની મૅચવિલ સિન્ડિકેટ કંપનીમાં હેલ્પર તરીકે કામ કરી રહેલા ૧૩ વર્ષના કિશોરનું ગઈ કાલે ઇલેક્ટ્રિક શૉક લાગતાં મૃત્યુ થયું હતું.

10 May, 2021 09:15 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK