Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > સમાચાર > મુંબઈ સમાચાર > આર્ટિકલ્સ > મિ‌હિર શાહે ઓળખ છુપાવવા માટે દાઢી અને મૂછ કપાવ્યાં

મિ‌હિર શાહે ઓળખ છુપાવવા માટે દાઢી અને મૂછ કપાવ્યાં

11 July, 2024 09:32 AM IST | Mumbai
Gujarati Mid-day Correspondent | feedbackgmd@mid-day.com

ઍક્સિડન્ટ કર્યા પછી ગર્લફ્રેન્ડને ૪૦ ફોન કર્યા અને પછી ગોરેગામના તેના ઘરે જઈને બે કલાક રોકાયો : ૧૬ જુલાઈ સુધી પોલીસ-કસ્ટડીમાં

આરોપી મિહિર શાહનો દાઢીવાળો અને ક્લીન લુકવાળો ફોટો. (ફાઇલ તસવીરો)

આરોપી મિહિર શાહનો દાઢીવાળો અને ક્લીન લુકવાળો ફોટો. (ફાઇલ તસવીરો)


વરલી હિટ ઍન્ડ રન મામલાના ધરપકડ કરવામાં આવેલા મુખ્ય આરોપી મિહિર શાહને ગઈ કાલે શિવડી કોર્ટમાં રજૂ કરવામાં આવ્યો હતો. કોર્ટે તેને ૧૬ જુલાઈ સુધી પોલીસ-કસ્ટડીમાં રાખવાનો આદેશ આપ્યો હતો. અકસ્માત પછી પલાયન થઈ ગયા બાદ ઓળખ છુપાવવા માટે મિ​હિરે દાઢી અને મૂછ કપાવી નાખ્યાં હોવાનું પોલીસે કહ્યું હતું. આરોપી મિહિર શાહે દારૂના નશામાં કાર ચલાવીને વરલીમાં એટ્રિયા મૉલ પાસે સ્કૂટી પર જઈ રહેલા કપલને ઉડાવતાં મહિલાનું મૃત્યુ થયું હતું. અકસ્માત કર્યા બાદ મિ​હિર પલાયન થઈ ગયો હતો. પોલીસે તેન‌ી વિરારમાંથી ધરપકડ કરી હતી અને ગઈ કાલે કોર્ટમાં રજૂ કર્યો હતો.


પોલીસની તપાસમાં જણાયું છે કે ઍક્સિડન્ટ કર્યા બાદ મિ​હિરે તેની ગર્લફ્રેન્ડને ૪૦ કૉલ કર્યા હતા. બાદમાં તે ઑટોમાં બેસીને ગર્લફ્રેન્ડના ગોરેગામના  ઘરે બે કલાક રોકાયો હતો. ગર્લફ્રેન્ડે મિહિરની બહેનને કૉલ કરીને આ ઘટનાની જાણ કરી હતી. મિહિરની બહેન ગોરેગામ પહોંચી હતી અને તે મિ​હિરને બોરીવલીમાં આવેલા તેના ઘરે લઈ ગઈ હતી. બાદમાં મિહિરનાં મમ્મી મીના, બહેનો પૂજા અને કિંજલ તેમ જ ફ્રેન્ડ અવદીપ શહાપુરમાં આવેલા રિસૉર્ટ જવા નીકળ્યાં હતાં. સોમવારે રાતે આરોપી મિ​હિર ફ્રેન્ડ સાથે વિરારમાં રહેતા એક કુટુંબીના ઘરે ગયો હતો. અહીં ફ્રેન્ડે મોબાઇલ ​સ્વિચ-ઑન કર્યો હતો. પોલીસની મિ​હિર પર વૉચ હતી એટલે એ વિરારમાં ટ્રેસ થતાં તેની ધરપકડ કરવામાં આવી હતી.



મિ​હિર શાહે પોતે કાર ચલાવતો હતો ત્યારે અકસ્માત થયો હોવાનું કબૂલ્યું છે. આથી વિરોધ પક્ષોએ એકનાથ શિંદેને નિશાના પર લીધા છે. આથી મુખ્ય પ્રધાન એકનાથ શિંદેએ મિ​હિરના પિતા રાજેશ શાહની શિવસેનાના ઉપનેતાપદેથી ગઈ કાલે હકાલપટ્ટી કરી હોવાનું જાણવા મળ્યું હતું.


જુહુના વાઇસ ગ્લોબલ તપસ બારનું ગેરકાયદે બાંધકામ તોડી પડાયું


વરલીના હિટ ઍન્ડ રન કેસના આરોપી મિ​હિર શાહે જુહુના વાઇસ ગ્લોબલ તપસ બારમાં ફ્રેન્ડ્સ સાથે પાર્ટી કર્યા બાદ વરલીમાં ઍક્સિડન્ટ કર્યો હતો. આ બારના ગ્રાઉન્ડ અને પહેલા માળે કરવામાં આવેલું ૩૫૦૦ ચોરસ ફીટનું ગેરકાયદે બાંધકામ ગઈ કાલે બૃહન્મુંબઈ મ્યુનિસિપલ કૉર્પોરેશન (BMC)એ તોડી પાડ્યું હતું. જુહુના ચર્ચ રોડ પર કિંગ્સ ઇન્ટરનૅશનલ હોટેલ પાસે આવેલા આ બારને ખાલી કરાવવામાં આવ્યા બાદ તોડકામ કરવામાં આવ્યું હતું.  (તસવીર - અનુરાગ અહિરે)

Whatsapp-channel Whatsapp-channel

11 July, 2024 09:32 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK