Gujarati Mid-day
Happiest Places to Work

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સમાચાર > મુંબઈ સમાચાર > આર્ટિકલ્સ > ઘોડબંદર રોડ પરની રેસ્ટોરાંમાંથી તસ્કરો ૨.૮૭ લાખ રૂપિયાનો દારૂ તફડાવી ગયા

ઘોડબંદર રોડ પરની રેસ્ટોરાંમાંથી તસ્કરો ૨.૮૭ લાખ રૂપિયાનો દારૂ તફડાવી ગયા

Published : 29 June, 2025 08:13 AM | Modified : 30 June, 2025 06:54 AM | IST | Mumbai
Gujarati Mid-day Correspondent | feedbackgmd@mid-day.com

મામલે પોલીસ દ્વારા રેસ્ટોરાંમાં લાગેલા ક્લોઝ્ડ સર્કિટ ટેલિવિઝન (CCTV) કૅમેરાનાં ફુટેજના આધારે વધુ તપાસ હાથ ધરવામાં આવી છે.

થાણેના ઘોડબંદર રોડ પર કાસારવડવલી વિસ્તારની સંજોગ રેસ્ટોરાંનું શટર તોડીને ગઈ કાલે વહેલી સવારે ચોરો આશરે ૨.૮૭ લાખ રૂપિયાના વિવિધ દારૂની બૉટલો તફડાવી ગયા

થાણેના ઘોડબંદર રોડ પર કાસારવડવલી વિસ્તારની સંજોગ રેસ્ટોરાંનું શટર તોડીને ગઈ કાલે વહેલી સવારે ચોરો આશરે ૨.૮૭ લાખ રૂપિયાના વિવિધ દારૂની બૉટલો તફડાવી ગયા


થાણેના ઘોડબંદર રોડ પર કાસારવડવલી વિસ્તારની સંજોગ રેસ્ટોરાંનું શટર તોડીને ગઈ કાલે વહેલી સવારે ચોરો આશરે ૨.૮૭ લાખ રૂપિયાના વિવિધ દારૂની બૉટલો તફડાવી ગયા હોવાની ફરિયાદ કાસારવડવલી પોલીસ-સ્ટેશનમાં નોંધાવવામાં આવી હતી. આ મામલે પોલીસ દ્વારા રેસ્ટોરાંમાં લાગેલા ક્લોઝ્ડ સર્કિટ ટેલિવિઝન (CCTV) કૅમેરાનાં ફુટેજના આધારે વધુ તપાસ હાથ ધરવામાં આવી છે.

કાસારવડવલી પોલીસ-સ્ટેશનના એક સિનિયર અધિકારીએ ‘મિડ-ડે’ને કહ્યું હતું કે ‘ગઈ કાલે વહેલી સવારે સંજોગ બાર ઍન્ડ રેસ્ટોરાંનો મૅનેજર રામચંદ્ર રઈ રેસ્ટોરાં ખોલવા માટે આવ્યો ત્યારે તેણે રેસ્ટોરાંના શટરનાં તાળાં તૂટેલી હાલતમાં જોયાં હતાં. ત્યાર બાદ તેણે તાત્કાલિક રેસ્ટોરાંના માલિક શેખર શેટ્ટીને ઘટનાની જાણ કરી હતી. અંતે ઘટનાની જાણકારી અમને મળતાં અમે ઘટનાસ્થળે જઈને વધુ તપાસ કરતાં બ્લૅક ડૉગ, બ્લૅક ઍન્ડ વાઇટ, ઍ​ન્ટિ​ક્વિટી જેવા મોંઘા દારૂની બૉટલોની તેમ જ કૅશ-કાઉન્ટરમાં રાખેલા પૈસાની ચોરી થઈ હોવાની માહિતી મળી હતી. અંતે ઘટનાની ફરિયાદ નોંધીને અમે વધુ તપાસ હાથ ધરી છે. પ્રાથમિક માહિતી અનુસાર ચોરો દારૂની બૉટલો ચોરી કરવા આવ્યા હોય એવું જાણવા મ‍ળ્યું છે.’


Whatsapp-channel Whatsapp-channel

30 June, 2025 06:54 AM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK