સોમવારે, જસ્ટિસ ધાનુકા અને જસ્ટિસ જી એસ કુલકર્ણીની બેન્ચ વેકેશન બેન્ચને લગતી બાબતોની સુનાવણી કરશે
ફાઇલ તસવીર
મહારાષ્ટ્ર (Maharashtra)ના રાજ્યપાલ રમેશ બૈસ (Ramesh Bais) રવિવારે સવારે 10 વાગ્યે બોમ્બે હાઈકોર્ટ (Bombay High Court)ના આગામી ચીફ જસ્ટિસ રમેશ ડી. ધાનુકા (Ramesh D. Dhanuka)ને પદના શપથ લેવડાવશે. કેન્દ્ર સરકારે શુક્રવારે જસ્ટિસ ધાનુકાની નિમણૂક માટે જાહેરનામું બહાર પાડ્યું હતું. તેમની પાસે બોમ્બે હાઈકોર્ટના વડા તરીકે માત્ર ત્રણ દિવસનો કાર્યકાળ હશે. તેઓ 30 મેના રોજ નિવૃત્ત થવાના છે, જેથી તેમનો કાર્યકાળ સંભવતઃ સૌથી ટૂંકો રહેશે.
સોમવારે, જસ્ટિસ ધાનુકા અને જસ્ટિસ જી એસ કુલકર્ણીની બેન્ચ વેકેશન બેન્ચને લગતી બાબતોની સુનાવણી કરશે. જસ્ટિસ ધાનુકા હાઈકોર્ટ બીલ્ડિંગમાં સેન્ટ્રલ કોર્ટરૂમમાં બેન્ચની અધ્યક્ષતા કરશે, જ્યારે જસ્ટિસ મનીષ પિતાલેની આગેવાની હેઠળની નોટિફાઈડ વેકેશન બેન્ચ સોમવારે બેસશે નહીં.
ADVERTISEMENT
જસ્ટિસ ધાનુકા 11 વર્ષથી વધુ સમયથી બોમ્બે હાઈકોર્ટના જજ તરીકે સેવા આપી રહ્યા છે અને હાલમાં જસ્ટિસ એસવી ગંગાપુરવાલા બાદ બોમ્બે હાઈકોર્ટના બીજા સૌથી વરિષ્ઠ જજ છે. જસ્ટિસ એસવી ગંગાપુરવાલા રવિવારે મદ્રાસ હાઈકોર્ટના ચીફ જસ્ટિસ તરીકે શપથ લેવાના છે. તેથી બોમ્બે હાઈકોર્ટની કમાન જસ્ટિસ ધાનુકાના હાથમાં સોંપવામાં આવી છે.
6 મેના રોજ, જસ્ટિસ ધાનુકાની આગેવાની હેઠળની બેન્ચે મહારાષ્ટ્ર સરકારને દક્ષિણ મુંબઈના બે ફ્લેટ તેમના માલિક, એક 93 વર્ષીય મહિલાને સોંપવાનો નિર્દેશ આપ્યો હતો, જેનાથી આઠ દાયકાથી ચાલી રહેલા મિલકત વિવાદનો અંત આવ્યો હતો.
11 એપ્રિલના રોજ, જસ્ટિસ ધાનુકાની આગેવાની હેઠળની બેન્ચે ટિપ્પણી કરી હતી કે ભારતમાં, વૈવાહિક વિવાદો એ સૌથી વધુ કડવાશથી લડાયેલો પ્રતિકૂળ મુકદ્દમો છે, જેમાં વિખૂટા પડી ગયેલા દંપતીઓ તેમના બાળકોને ઘર અથવા મિલકત સમજે છે.
ગયા વર્ષે 23 સપ્ટેમ્બરના રોજ, સીએમ એકનાથ શિંદેની આગેવાની હેઠળના શાસક ગઠબંધનને ઝટકો આપતા, જસ્ટિસ ધાનુકાની આગેવાની હેઠળની ડિવિઝન બેન્ચે ઉદ્ધવ ઠાકરે જૂથને તેની વાર્ષિક રેલી, દશેરાનો મેળો શિવાજી પાર્ક ખાતે યોજવાની મંજૂરી આપી હતી. ધાનુકાએ મેળાવડાની પરવાનગી ન આપવા માટે ‘સત્તાનો દુરુપયોગ’ કરવા બદલ BMCની ઝાટકણી કાઢી હતી.
આ પણ વાંચો: BJP મગરમચ્છ જેવી છે, તેના સાથી પક્ષોને ગળી જાય છે: સંજય રાઉતનો મોટો પ્રહાર
20 સપ્ટેમ્બર, 2022 ના રોજ ભાજપના નેતા અને કેન્દ્રીય પ્રધાન નારાયણ રાણેની અરજીમાં ચુકાદો આપતા જસ્ટિસ ધાનુકાની આગેવાની હેઠળની બેન્ચે જુહુના આઠ માળના બંગલામાં અનધિકૃત ભાગોને તોડી પાડવાનો આદેશ આપ્યો હતો અને BMCને તેના "અસંગત વલણ" માટે ઠપકો આપ્યો હતો. એક અઠવાડિયા બાદ, સુપ્રીમ કોર્ટે હાઇકોર્ટના આદેશ સામે રાણેની અરજીને ફગાવી દીધી હતી.
