° °

આજનું ઇ-પેપર
Monday, 29 November, 2021


આવતા વર્ષે આવે છે પ્લાસ્ટર ઑફ પૅરિસથી મુક્ત ગણપતિની મૂર્તિઓ

04 October, 2021 02:44 PM IST | Mumbai | Gujarati Mid-day Correspondent

જો મૂર્તિ ઇકો-ફ્રેન્ડ્લી નહીં હોય તો ડિપોઝિટ જપ્ત થશે અને રજિસ્ટ્રેશન બે વર્ષ માટે રદ થશે

ફાઈલ તસવીર

ફાઈલ તસવીર

આખરે બીએમસી પ્લાસ્ટર ઑફ પૅરિસ (પીઓપી)થી મુક્ત હોય એવા ગણેશોત્સવ તથા અન્ય તહેવારો માટે સજ્જ થઈ રહ્યું છે. આમ તો પીઓપીના વપરાશ પર વર્ષોથી પ્રતિબંધ છે, પરંતુ શિલ્પકારોની સ્થિતિને ધ્યાનમાં રાખીને એનો અમલ કરાયો નહોતો.

બીએમસીએ પ્લાનનો અમલ કરવા માટે વિવિધ હિતધારકો સાથે બેઠક યોજી હતી. નિયમો લાગુ થયા બાદ જો મૂર્તિ ઇકો-ફ્રેન્ડ્લી નહીં હોય તો ડિપોઝિટ જપ્ત થશે અને રજિસ્ટ્રેશન બે વર્ષ માટે રદ થશે.

બીએમસીના ઍડિશનલ કમિશનર અશ્વિની ભિડે અને ડેપ્યુટી કમિશનર હર્ષદ કાળેની દેખરેખ હેઠળ હાથ ધરાયેલી બેઠકમાં શિલ્પકારોના પ્રતિનિધિઓ, સાર્વજનિક ગણેશોત્સવની કો-ઑર્ડિનેટિંગ સમિતિઓ, મહારાષ્ટ્ર પ્રદૂષણ નિયંત્રણ બોર્ડ, મુંબઈ પોલીસ અને ‘નીરી’ના પ્રતિનિધિઓ ઉપસ્થિત રહ્યા હતા. કેન્દ્રીય પ્રદૂષણ નિયંત્રણ બોર્ડ (સીપીસીબી)એ તહેવારો માટે ઇકો-ફ્રેન્ડ્લી માર્ગદર્શિકાઓ પ્રસિદ્ધ કરી હતી જેમાં મૂર્તિ બનાવનારા કારીગરો, પૂજા આયોજન સમિતિઓ અને શહેરી સ્થાનિક સંસ્થાઓ માટેની સૂચનાઓનો સમાવેશ થાય છે. માર્ગદર્શિકામાં પ્રદૂષણમુક્ત વિસર્જનનો પણ સમાવેશ થાય છે. શિલ્પકારોના સંગઠનના સભ્યોએ જણાવ્યું હતું કે માટીનાં ઇકો-ફ્રેન્ડ્લી શિલ્પો બનાવવામાં વધુ સમય અને જગ્યાની જરૂર પડે છે. તેમણે બીએમસીને મૂર્તિની વર્કશૉપ્સ માટે વધુ જગ્યા અને સમય પૂરાં પાડવાની માગણી કરી હતી.

બીએમસી આગામી વર્ષથી ઇકો-ફ્રેન્ડ્લી રીતે તહેવારોની ઉજવણી કરવા માટે શક્ય એટલી સૂચનાઓનો અમલ કરવાની કોશિશ કરી રહ્યું છે. શિલ્પકારો તથા સાર્વજનિક ગણેશોત્સવ સમિતિઓનો સકારાત્મક પ્રતિસાદ મળે એવી અમને અપેક્ષા છે એમ બીએમસીના એક અધિકારીએ જણાવ્યું હતું.

ઇકો-ફ્રેન્ડ્લી મૂર્તિઓ

મૂર્તિઓ સીપીસીબીની માર્ગદર્શિકા અનુસાર માત્ર નૈસર્ગિક, જમીનમાં ભળી જાય એવી અને ઇકો-ફ્રેન્ડ્લી સામગ્રીની બનેલી હોવી જોઈએ.

શણગાર માટે પાંદડાં, ફૂલો અને વસ્ત્રોનો ઉપયોગ કરવો જોઈએ. સિંગલ-યુઝ પ્લાસ્ટિક પર કડક પ્રતિબંધ છે.

મૂર્તિ પર કલરકામ કરવા માટેના રંગો તથા સુશોભન ઇકો-ફ્રેન્ડ્લી હોવાં જોઈએ.

શિલ્પકારોની સ્થાનિક સેલ્ફ-ગવર્નિંગ સંસ્થામાં નોંધણી થયેલી હોવી જોઈએ.

નદી, તળાવો, દરિયા વગેરેમાં મૂર્તિઓના વિસર્જન માટે અલાયદી સૂચના હોવી જોઈએ.

દરિયામાં વિસર્જન માટે સ્થાનિક કોસ્ટલ મૅનેજમેન્ટ ઑથોરિટીની પરવાનગી હોવી જરૂરી છે.

રહેવાસીઓએ તેમની મૂર્તિઓનું ઘરે વિસર્જન કરવું જોઈએ.

04 October, 2021 02:44 PM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

દક્ષિણ આફ્રિકાની શહેર બન્યું વુહાન, 90 ટકા લોકો ઓમિક્રોનથી સંક્રમિત

આફ્રિકામાં 18 થી 34 વર્ષના માત્ર 22 ટકા યુવાઓએ જ કોરોનાની રસી લીધી છે

29 November, 2021 06:44 IST | mumbai | Gujarati Mid-day Online Correspondent
મુંબઈ સમાચાર

ડ્રગ-પેડલર અજમલ તોતલાને મુંબઈ પોલીસે ઝડપી લીધો

મહારાષ્ટ્રના પ્રધાન નવાબ મલિકે તાજેતરમાં એક પત્રકાર પરિષદ દરમિયાન અજમલ અને એક મહિલા ડ્રગ-પેડલર રુબિના નિયાઝુ શેખનો ઉલ્લેખ કર્યો હતો.

29 November, 2021 01:02 IST | Mumbai | Gujarati Mid-day Correspondent
મુંબઈ સમાચાર

ફેબ્રુઆરી સુધીમાં મુંબઈ મેટ્રો-૨એ અને મેટ્રો-૭ કાર્યરત થવાની સંભાવના

પહેલા તબક્કાનું લગભગ ૯૫ ટકા કામ પૂરું થઈ ચૂક્યું છે એટલે બેથી ત્રણ મહિનામાં આ લાઇન શરૂ થવાની આશા છે

29 November, 2021 12:59 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK