° °

આજનું ઇ-પેપર
Saturday, 03 December, 2022


પોલીસ ન બની શકતાં તેનો યુનિફૉર્મ પહેરીને છેતરપિંડી કરનારો પકડાયો

22 November, 2022 12:14 PM IST | Mumbai
Gujarati Mid-day Correspondent | feedbackgmd@mid-day.com

આશરે ૧૦ દિવસ પહેલાં તેણે એક મહિલાને રોડ પર અટકાવી તેના મોબાઇલમાંથી ૭૫૦૦ના બીટકૉઇન પોતાના મોબાઇલમાં સેરવી લીધા હતા,

પ્રતીકાત્મક તસવીર Crime News

પ્રતીકાત્મક તસવીર

નિવૃત્ત પોલીસ કૉન્સ્ટેબલનો પુત્ર પોલીસ બનવા માગતો હોવાથી તેણે કેટલીક તૈયારી પણ કરી હતી. જોકે એમાં તે નિષ્ફળ જતાં તેણે પોલીસ યુનિફૉર્મ પહેરી નાગરિકો સાથે છેતરપિંડી કરવાની શરૂઆત કરી હતી. છેલ્લા કેટલાક વખતથી તે રોડ પર ઊભો રહી થ્રી સ્ટાર અધિકારીનો યુનિફૉર્મ પહેરી વાહનચાલકોને અટકાવી પૈસા પડાવતો હતો. આશરે ૧૦ દિવસ પહેલાં તેણે એક મહિલાને રોડ પર અટકાવી તેના મોબાઇલમાંથી ૭૫૦૦ના બીટકૉઇન પોતાના મોબાઇલમાં સેરવી લીધા હતા, જેની ફરિયાદ પોલીસને મળતાં તેઓએ તપાસ કરી આરોપીની ધરપકડ કરી છે.

થાણેના કળવા વિસ્તારમાં રહેતા ૬૨ વર્ષના જગતાપ નામના નિવૃત્ત પોલીસ કૉન્સ્ટેબલનો ૪૧ વર્ષનો પુત્ર રામદાસ જગતાપ પોલીસ બનવા માગતો હતો, જેના માટે તેણે કેટલીક તૈયાર કરી પોલીસ પરીક્ષા પણ આપી હતી, જેમાં સ્કોર ઓછો આવતાં તે નિષ્ફળ રહ્યો હતો. ત્યાર બાદ તેણે પોલીસ યુનિફૉર્મ ખરીદી અને નકલી પોલીસ ઓળખ કાર્ડ બનાવ્યું હતું. એ પછી રોડ પર પોલીસ યુનિફૉર્મ પહેરી વાહનોને અટકાવી તેઓની સાથે છેતરપિંડી કરતો હતો. ૧૩ નવેમ્બરે તેણે એક મહિલાને રોડ પર અટકાવી તેનો મોબાઇલ લઈ મહિલાના અકાઉન્ટમાંથી આશરે ૭૫૦૦ના બીટકૉઇન પોતાના મોબાઇલમાં ટ્રાન્સફર કરી લીધા હતા, જેની જાણ થોડી વાર પછી મહિલાને થતાં તેણે કળવા પોલીસ સ્ટેશનમાં ફરિયાદ નોંધાવી હતી.

કળવા પોલીસ સ્ટેશનના સિનિયર ઇન્સ્પેક્ટર મનોહર આવ્હાડેએ ‘મિડ-ડે’ને કહ્યું હતું કે ‘ગયા અઠવાડિયે અમને એક મહિલાની ફરિયાદ મળી હતી જેમાં મહિલાએ કહ્યું હતું કે પોલીસ યુનિફૉર્મ પહેરેલા એક યુવાને તેના મોબાઇલમાંથી બીટકૉઇન પોતાના મોબાઇલમાં ટ્રાન્સફર કર્યા હતા. એ પછી ઘટનાની ફરિયાદ નોંધી આરોપીની તમામ માહિતી મેળવી તેની ધરપકડ કરી છે.’ 

22 November, 2022 12:14 PM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

બીજી જાન્યુઆરી સુધી મુંબઈમાં કલમ ૧૪૪ લાગૂ, આવા હશે પ્રતિબંધો

શહેરમાં મોટા મેળાવડા અને સરઘસ પર પ્રતિબંધ

02 December, 2022 12:58 IST | Mumbai | Gujarati Mid-day Online Correspondent
મુંબઈ સમાચાર

વધુ એક ગુજરાતી બન્યાં સાઇબર ફ્રૉડનો શિકાર

તમારી બૅન્ક-ડીટેલ, ઓટીપી, પિન-નંબર કોઈની સાથે શૅર ન કરો અને સાઇબર ફ્રૉડનો ભોગ બનો તો તરત જ પોલીસનો સંપર્ક કરો : ચારકોપમાં બનેલા આવા જ એક બનાવમાં સાઇબર ગઠિયાએ એક યુવતીના ૯૩,૮૯૯ રૂપિયા પડાવી લીધા, પણ તરત ફરિયાદ કરતાં પોલીસે બચાવી લીધા

02 December, 2022 08:59 IST | Mumbai | Gujarati Mid-day Correspondent
મુંબઈ સમાચાર

ઇન્ટરનૅશનલ ઍરપોર્ટ પર સર્વર ડાઉન થતાં પૅસેન્જર્સ થયા હેરાન

બધાં જ કામ ઠપ થઈ જવાને કારણે લાંબી લાઇનો લાગી અને ફ્લાઇટ‍્સ પણ મોડી પડી

02 December, 2022 08:52 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK