Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સમાચાર > મુંબઈ સમાચાર > આર્ટિકલ્સ > બાંદરાના બૅન્ડ-સ્ટૅન્ડ પાસે બે બાઇકરો ગુજરાતી મહિલાના ગળામાંથી સોનાની ચેઇન ખેંચી ગયા

બાંદરાના બૅન્ડ-સ્ટૅન્ડ પાસે બે બાઇકરો ગુજરાતી મહિલાના ગળામાંથી સોનાની ચેઇન ખેંચી ગયા

Published : 17 November, 2026 09:52 AM | IST | Mumbai
Gujarati Mid-day Correspondent | feedbackgmd@mid-day.com

પલ્લવીબહેનના પતિ અરવિંદે હિંમત દાખવીને બાઇકનો પીછો કરવાનો પ્રયાસ કર્યો હતો, પરંતુ આરોપીઓ વિરુદ્ધ દિશામાં હિલ રોડ તરફ નાસી છૂટવામાં સફળ રહ્યા હતા.

પ્રતીકાત્મક ફાઇલ તસવીર (મિડ-ડે)

પ્રતીકાત્મક ફાઇલ તસવીર (મિડ-ડે)


બાંદરાના બૅન્ડ-સ્ટૅન્ડ નજીક રવિવારે સાંજે માઉન્ટ મૅરી ચર્ચ નજીક રહેતાં ૪૮ વર્ષનાં પલ્લવી વાઘેલા સાથે બનેલી ચોંકાવનારી ઘટના સામે આવી છે, જ્યાં બે ચેઇન-સ્નૅચર તેમની એક લાખ રૂપિયાની ચેઇન લૂંટીને નાસી ગયા હતા. આ મામલે બાંદરા પોલીસે ગઈ કાલે સવારે ફરિયાદ નોંધીને વધુ તપાસ હાથ ધરી છે. પલ્લવીબહેન રવિવારે સાંજે પતિ અરવિંદ સાથે બૅન્ડ-સ્ટૅન્ડ ફરવા ગયાં હતાં અને યુનિયન બૅન્ક નજીકથી ચાલીને પસાર થઈ રહ્યાં હતાં એ દરમ્યાન સામેની બાજુથી બાઇક પર આવેલા બે જણે અચાનક પલ્લવીબહેનના ગળા પર હુમલો કરીને એક લાખ રૂપિયાની કિંમતની સોનાની ચેઇન ખેંચી લીધી હતી અને ઝડપથી બાઇક પર નાસી ગયા હતા. પોલીસે આરોપીઓની ઓળખ કરવા માટે ઘટનાસ્થળ નજીકના ક્લોઝ્ડ સર્કિટ ટેલિવિઝન (CCTV) કૅમેરાનાં ફુટેજ તપાસીને વધુ તપાસ હાથ ધરી છે. આ અચાનક બનેલી ઘટનાથી દંપતી ગભરાઈ ગયું હતું અને તેમણે તાત્કાલિક જોર-જોરથી બૂમો પાડી હતી, પરંતુ બાઇક પર આવેલા બન્ને જણે પોતાની બાઇક પૂરઝડપે મેહબૂબ સર્કલની દિશામાં ભગાડી મૂકી હતી. પલ્લવીબહેનના પતિ અરવિંદે હિંમત દાખવીને બાઇકનો પીછો કરવાનો પ્રયાસ કર્યો હતો, પરંતુ આરોપીઓ વિરુદ્ધ દિશામાં હિલ રોડ તરફ નાસી છૂટવામાં સફળ રહ્યા હતા.


Whatsapp-channel Whatsapp-channel

17 November, 2026 09:52 AM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK