° °

આજનું ઇ-પેપર
Saturday, 28 January, 2023


વાતચીત માટે તૈયાર, પણ શરતો નહીં

03 December, 2022 08:33 AM IST | Moscow
Gujarati Mid-day Correspondent | feedbackgmd@mid-day.com

અમેરિકન પ્રેસિડન્ટે યુક્રેનના યુદ્ધનો અંત લાવવા માટે પુતિનને મળવાની તૈયારી બતાવી, જેના જવાબમાં રશિયાએ કહ્યું કે અમને કોઈ શરત મંજૂર નથી

ફાઇલ તસવીર

ફાઇલ તસવીર

યુક્રેનના યુદ્ધમાં સતત પરાજય મળ્યા બાદ રશિયન પ્રેસિડન્ટ વ્લાદિમીર પુતિનના સૂર નરમ પડ્યા હોય એમ જણાય છે અને એની સાથે જ આ યુદ્ધનો અંત આવી જાય એવી શક્યતા જણાઈ રહી છે. રશિયાએ ગઈ કાલે જણાવ્યું હતું કે પુતિન યુક્રેનના યુદ્ધમાં સંભવિત સમાધાન પર વાતચીત કરવા તૈયાર છે અને તેઓ રાજદ્વારી ઉકેલમાં માને છે. વાસ્તવમાં આ કમેન્ટ્સ એવા સમયે આવી છે જ્યારે અમેરિકન પ્રેસિડન્ટ જો બાઇડને રશિયાના આ લીડર સાથે વાતચીત કરવાની તૈયારી બતાવી છે.

આ પહેલાં બાઇડને કહ્યું હતું કે ‘વ્લાદિમીર પુતિન યુક્રેનમાંથી પોતાનાં દળોને પાછાં ખેંચી લે એ જ આ યુદ્ધનો અંત લાવવાનો એકમાત્ર ઉપાય છે. જો પુતિન આ યુદ્ધનો અંત લાવવા ઇચ્છતા હોય તો હું તેમની સાથે વાતચીત કરવા તૈયાર રહીશ.’

જોકે રશિયાના પ્રવક્તા દમિત્રી પેસ્કોવે ભારપૂર્વક જણાવ્યું હતું કે પુતિન વાતચીત કરવા તૈયાર છે, પરંતુ રશિયા યુક્રેનમાંથી પોતાનાં દળોને પાછાં ખેંચશે નહીં.

તેમણે વધુમાં જણાવ્યું હતું કે યુક્રેન પર યુદ્ધ કરવાનો પુતિનને કોઈ અફસોસ નથી, બલકે ‘ઘમંડી’ પશ્ચિમી આધિપત્યની વિરુદ્ધ રશિયા મેદાને પડ્યું એને તેઓ ઐતિહાસિક અને મહત્ત્વપૂર્ણ ક્ષણ માને છે.

પેસ્કોવે એમ પણ જણાવ્યું કે ‘યુક્રેન પાસેથી મેળવવામાં આવેલા ‘નવા પ્રદેશો’ને અમેરિકા માન્યતા આપવા માગતું નથી અને એને લીધે એક રશિયન તરીકે કોઈ સમાધાન શોધતાં ખચકાટ થાય છે. સાર એટલો છે કે બાઇડને કહ્યું છે કે પુતિન યુક્રેન છોડે તો જ વાતચીત શક્ય છે. જોકે યુક્રેનમાં રશિયાનું મિલિટરી ઑપરેશન સતત ચાલુ રહેશે. જોકે એની સાથે જ પ્રેસિડન્ટ પુતિન વાતચીત માટે તૈયાર છે.’

100000
રશિયાના આટલા સૈનિકો યુક્રેનના યુદ્ધમાં મૃત્યુ પામ્યા હોવાનું યુક્રેનના પ્રેસિડન્ટના સલાહકાર મિખેલો પોડોલિકે જણાવ્યું હતું. 

13000
યુક્રેનના આટલા સૈનિકો આ યુદ્ધમાં માર્યા ગયા હોવાનું યુક્રેનના અધિકારીઓ જણાવી રહ્યા છે. 

03 December, 2022 08:33 AM IST | Moscow | Gujarati Mid-day Correspondent

અન્ય લેખો

ઈન્ટરનેશનલ સમાચાર

News in Short: જર્મનીએ યુક્રેનને આપી ટૅન્ક, રિશી સુનકે પગલાને બિરદાવ્યું

તેમણે કહ્યું હતું કે ‘નાટોના સાથીપક્ષો અને મિત્રોએ યુક્રેનને ટૅન્ક આપીને યોગ્ય નિર્ણય કર્યો છે

26 January, 2023 02:52 IST | London | Gujarati Mid-day Correspondent
ઈન્ટરનેશનલ સમાચાર

બાલાકોટ સર્જિકલ સ્ટ્રાઇક બાદ પાકિસ્તાન ભારત પર પરમાણુ હુમલો કરવા માગતું હતું?

અમેરિકાના ભૂતપૂર્વ વિદેશપ્રધાન માઇક પોમ્પિયોના દાવાથી સનસની : વિદેશપ્રધાન સુષમા સ્વરાજના ફોન બાદ પાકિસ્તાનના આર્મી ચીફ સાથે વાતચીત કરી મામલો થાળે પાડ્યો

26 January, 2023 12:26 IST | New York | Gujarati Mid-day Correspondent
ઈન્ટરનેશનલ સમાચાર

અરબો લોકો આ `ઝેર` ખાઈને હ્રદયને પાડે છે નબળું, WHO એ આપી ચેતવણી

વર્લ્ડ હેલ્થ ઓર્ગેનાઈઝેશન (ડબ્લ્યુએચઓ) એ કહ્યું છે કે ઘણા પ્રયત્નો છતાં, વિશ્વના પાંચ અબજ લોકો હજી પણ ટ્રાન્સ ફેટના સેવનને કારણે જીવલેણ હૃદય રોગના જોખમનો સામનો કરી રહ્યા છે.

25 January, 2023 01:34 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK