Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ગુજરાત સમાચાર > આર્ટિકલ્સ > ઉત્તર ગુજરાતમાં ઠંડીની સાથે પડી શકે છે માવઠાનો પણ માર

ઉત્તર ગુજરાતમાં ઠંડીની સાથે પડી શકે છે માવઠાનો પણ માર

26 January, 2023 01:18 PM IST | Ahmedabad
Gujarati Mid-day Correspondent | feedbackgmd@mid-day.com

ગુજરાતમાં ઠંડીનું જોર યથાવત્ : નલિયામાં ૫.૮ ડિગ્રી તાપમાન : ગુજરાતનાં ૮ નગર અને શહેર તેમ જ ૩ જિલ્લામાં ઠંડીનો પારો ૧૦ ડિગ્રીથી નીચે : અમદાવાદ સહિત ગુજરાતમાં ઠંડાગાર પવનોએ જનજીવન પર કરી અસર

પ્રતીકાત્મક તસવીર Weather Update

પ્રતીકાત્મક તસવીર


અમદાવાદ : ગુજરાત આખું કડકડતી ઠંડીમાં ઠૂંઠવાઈ રહ્યું છે ત્યારે ઉત્તર ગુજરાતમાં ઠંડીની સાથે-સાથે માવઠું થવાની આગાહી હવામાન વિભાગે કરી છે.

હવામાન વિભાગના જણાવ્યા પ્રમાણે ‘૨૮ જાન્યુઆરીએ ઉત્તર ગુજરાતમાં હળવો વરસાદ પડી શકે છે. વેસ્ટર્ન ડિસ્ટબન્સના કારણે ઉત્તર ગુજરાતના બનાસકાંઠા અને પાટણ જિલ્લામાં હળવો વરસાદ પડવાની સંભાવના છે.’ એક તરફ ઉત્તર ગુજરાતમાં ઠંડી પડી રહી છે અને હવે માવઠું થવાની આગાહીના પગલે ખેડૂતોમાં ચિંતાની લાગણી ઊભી થઈ છે. 



ગુજરાતમાં છેલ્લા કેટલાક દિવસોથી પડી રહેલી ઠંડીનું જોર ગઈ કાલે પણ યથાવત્ રહેવા પામ્યું હતું. ગઈ કાલે ગુજરાતમાં નલિયા સૌથી ઠંડુંગાર નગર બની રહ્યું હતું, જ્યાં મિનિમમ તાપમાન ૫.૮ ડિગ્રી નોંધાયું હતું. આ ઉપરાંત ગુજરાતનાં ૮ નગર અને શહેર તેમ જ ૩ જિલ્લામાં ઠંડીનો પારો ૧૦ ડિગ્રીથી નીચે રહેવા પામ્યો હતો. નલિયા ઉપરાંત વલસાડમાં ૭.૮, પાટણમાં ૮.૧, રાજકોટમાં ૮.૭, પોરબંદરમાં ૯, ગાંધીનગરમાં ૯.૨, ભુજમાં ૯.૭, ડીસામાં ૯.૮, અમદાવાદ અને અમરેલીમાં ૧૦.૪ ડિગ્રી તેમ જ પંચમહાલમાં ૭.૧, ડાંગ જિલ્લામાં ૮.૮ અને નર્મદા જિલ્લામાં ૯ ડિગ્રી મિનિમમ તાપમાન રહેવા પામ્યું હતું. 


અમદાવાદ સહિત ગુજરાતમાં ઠંડાગાર પવનોએ જનજીવન પર અસર કરી હતી અને નાગરિકોએ કામ વગર બહાર જવાનું ટાળ્યું હતું.


Whatsapp-channel Whatsapp-channel

26 January, 2023 01:18 PM IST | Ahmedabad | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK