ગુજરાતી કિરણ પટેલ (Kiran Patel) પોતાને PMO અધિકારી ગણાવી જમ્મુ-કાશ્મીરમાં ફરતો હતો, કોણ જાણે આ ઠગે શું-શું કર્યુ હશે, જો કે, હાલમાં પોલીસે તેની ધરપકડ કરી લીધી છે.
વીડિયોમાંથી સ્ક્રીનશોટ (તસવીર: ટ્વિટર)
જમ્મુ અને કાશ્મીરમાં (Jammu Kashmir) એક વ્યક્તિની ધરપકડ કરવામાં આવી છે જે પીએમઓ (PMO)અધિકારી તરીકે કેન્દ્રશાસિત પ્રદેશનો પ્રવાસ કરતો હતો. આ ઠગની ઓળખ ગુજરાતના રહેવાસી કિરણ પટેલ (Kiran Patel Fraud)તરીકે થઈ છે. તેની શ્રીનગરથી 3 માર્ચ 2023ના રોજ ધરપકડ કરવામાં આવી હતી. પરંતુ આ માહિતી હવે મીડિયામાં સામે આવી છે.
ગુરુવારે (16 માર્ચ 2023), જમ્મુ અને કાશ્મીર પોલીસે તેને શ્રીનગર કોર્ટમાં રજૂ કર્યો હતો. કોર્ટે તેને જ્યુડિશિયલ કસ્ટડીમાં મોકલી દીધો છે. આજતકના અહેવાલો મુજબ કિરણ પટેલ ઓક્ટોબર 2022થી કાશ્મીર ઘાટીની મુલાકાતે છે. ધરપકડ કરતા પહેલા તે નિયંત્રણ રેખા (એલઓસી) નજીક ઉરી કમાન્ડ પોસ્ટ દ્વારા શ્રીનગરના લાલ ચોક પહોંચ્યો હતો. તે જમ્મુ-કાશ્મીરની 5 સ્ટાર હોટલમાં રોકાતો હતો. Z પ્લસ સુરક્ષા સાથે બુલેટપ્રૂફ વાહનમાં ફરતો હતો.
ADVERTISEMENT
મીડિયા રિપોર્ટ્સ અનુસાર, કિરણ પટેલ પોતાને વડાપ્રધાન કાર્યાલયમાં એડિશનલ ડિરેક્ટર (PMO Director (સ્ટ્રેટેજી એન્ડ કેમ્પેન્સ) તરીકે ઓળખાવતો હતો. તેમણે ફેબ્રુઆરી 2023માં જમ્મુ-કાશ્મીરની મુલાકાત પણ લીધી હતી. તેમની મુલાકાતના ઘણા વીડિયો સોશિયલ મીડિયા પર વાયરલ થઈ રહ્યા છે. તેને પોલીસ અને અર્ધલશ્કરી દળોના રક્ષણ હેઠળ કાશ્મીરમાં વિવિધ સ્થળોએ જોઈ શકાય છે. સોશિયલ મીડિયા પર વાયરલ થયેલી પોસ્ટમાં તે બડગામના દૂધપથરી ખાતે બરફ પર ચાલતા જોઈ શકાય છે. આ સિવાય તે શ્રીનગર ક્લોક ટાવર અને ઉરીમાં એલઓસી પાસે સુરક્ષા દળો સાથે પોઝ આપતાં પણ જોઈ શકાય છે.
॥ जय हिन्द ॥ pic.twitter.com/WCEZxlDHId
— Dr. Kiran J Patel (@bansijpatel) February 27, 2023
આ પણ વાંચો: રાહુલ ગાંધીને પ્રેસ કોન્ફરન્સ દરમિયાન પીઢ નેતાએ કાનમાં કહ્યું આવું ન બોલો મજાક બનશે
એવું જાણવા મળ્યું છે કે કિરણ પટેલે ઉચ્ચ સ્તરીય સરકારી સુવિધાઓનો લાભ લઈને જમ્મુ અને કાશ્મીરના વિવિધ ભાગોનો માત્ર પ્રવાસ જ કર્યો ન હતો, પરંતુ બડગામમાં અધિકારીઓ સાથે બેઠકો પણ કરી હતી. શંકા બાદ ગુપ્તચર એજન્સીઓએ જમ્મુ-કાશ્મીર પોલીસને તેના વિશે એલર્ટ કરી દીધું. જે બાદ તેની શ્રીનગરની હોટલમાંથી ધરપકડ કરવામાં આવી હતી.
પટેલ વિરુદ્ધ શ્રીનગરના નિશાત પોલીસ સ્ટેશનમાં IPC કલમ 419, 420, 467, 468 અને 471 હેઠળ કેસ નોંધવામાં આવ્યો છે. જમ્મુ-કાશ્મીર પોલીસ આ મામલાની તપાસ કરી રહી છે. એવું કહેવામાં આવી રહ્યું છે કે સમયસર ઠગને શોધી ન શકવાને કારણે જમ્મુ-કાશ્મીર પોલીસના બે અધિકારીઓ સામે કાર્યવાહી કરવાની તૈયારી ચાલી રહી છે. ગુજરાત પોલીસની ટીમ પણ તપાસમાં સામેલ હોવાનું કહેવાય છે.
