વડોદરાઃએક મહિલાએ 55 મિનિટની અંદર 4 બાળકોને આપ્યો જન્મ
વડોદરામાં એક આશ્ચર્યજનક ઘટના સામે આવી છે. પહેલીવાર સાંભળવામાં આવે તો માનવામાં જ ન આવે તેવી ઘટના વડોદરાની એક હોસ્પિટલમાં બની છે. વડોદરાની એક હોસ્પિટલમાં એક મહિલાએ એક સાથે 4 બાળકોને જન્મ આપ્યો છે. જી હાં, વડોદરાની કમણી ચૈનાની હોસ્પિટલમાં એક મહિલાએ માત્ર 55 મિનિટના ગાળામાં 4-4 બાળકોને જન્મ આપ્યો.
મળતી માહિતી પ્રમાણે વડોદરામાં વ્હોરાવાડ વિસ્તારમાં રહેતા રૂકસારબાનુ ગુફરાન માગદખાને રવિવારે પ્રસૂતિ પીડા ઉપડી હતી. પરિણામે પરિવારજનો તેમને તરત જ કમણી ચૈનાની હોસ્પિટલમાં સારવાર માટે લઈ ગયા હતા. જ્યાં ડોક્ટર્સની મદદથી તેમણે 4 - 4 બાળકોને એક સાથે જન્મ આપ્યો. રુક્સારબાનુને મોડી રાત્રે 1 વાગે પુત્રીનો જન્મ થયો. બાદમાં 1.38 કલાકે પુત્ર, 1.39 કલાકે ત્રીજા પુત્ર અને 1.55 કલાકે ચોથા પુત્રને જન્મ થયો.
ADVERTISEMENT
આ ઘટનાના સાક્ષી બનીને હોસ્પિટલ્સના ડોક્ટર્સ પણ ચોંકી ઉઠ્યા છે. મળતી માહિતી પ્રમાણે ચારેય બાળકો સ્વસ્થ છે. તો રુક્સારબાનુની તબિયત પણ સારી છે. સૌથી પહેલા જન્મેલીબાળકીનું વજન 1 કિલોગ્રામ, બે બાળકોનું 1.2 કિલોગ્રામ અને અન્ય એક બાળકનું વજન 1.1 કિલોગ્રામ છે. ચારેય નવજાતબાળકોને એન.આઇ.સી.યુ.માં રાખવામાં આવ્યા છે.
આ પણ વાંચોઃ Priyal Gor: જુઓ 'ઈચ્છાપ્યારી નાગિન'ની ગુજ્જુ એક્ટ્રેસનો કાતિલ અંદાજ
ડોક્ટર્સના કહેવા પ્રમાણે આ એક ચોંકાવનારી અને આશ્ચર્યજનક ઘટના છે. આખા વિશ્વમાં આવી ઘટના ક્યારેક જ બને છે. 5 લાખ મહિલાઓમાં એક વાર કોઈ મહિલા એક સાથે 4 બાળકોને જન્મ આપે છે. ત્યારે રુક્સારબાનુનો કિસ્સો પણ આવો જ એક રેર કિસ્સો છે.
