પાંચ રાજ્યોની વિધાનસભાની ચૂંટણીને કારણે સામાન્ય ને રેલબજેટ પાછું ઠેલાવાની સંભાવના

Published: Dec 26, 2011, 04:59 IST

ચૂંટણી પંચ દ્વારા કરવામાં આવેલી જાહેરાત પ્રમાણે ઉત્તર પ્રદેશમાં વિધાનસભાની ચૂંટણી ૪, ૮, ૧૧, ૧૫, ૧૯, ૨૩ અને ૨૮ ફેબ્રુઆરીએ એમ ૭ તબક્કામાં યોજવામાં આવશે.

 

પંજાબ અને ઉત્તરાખંડમાં ૩૦ જાન્યુઆરીએ, જ્યારે ગોવામાં ૩ માર્ચે અને મણિપુરમાં ૨૮ જાન્યુઆરીએ વિધાનસભાની ચૂંટણીનું આયોજન કરવામાં આવ્યું છે. ચીફ ઇલેક્શન કમિશનર એસ. વાય. કુરેશીએ કહ્યું છે કે આ તમામ રાજ્યોની ચૂંટણીના મતોની ગણતરી ૪ માર્ચે કરવામાં આવશે.

હવે વિધાનસભાની ચૂંટણીના આ સમયપત્રકને કારણે સામાન્ય રીતે ફેબ્રુઆરીના છેલ્લા દિવસે સંસદમાં રજૂ થતું સામાન્ય બજેટ તથા આ સમયગાળામાં જ રજૂ થતું રેલવે બજેટ મોકૂફ રાખવાની જાહેરાત થઈ શકે એવા સંજોગો ઊભા થયા છે. જો આમ થશે તો મતગણતરી પછી ૮ માર્ચે સામાન્ય બજેટ અને ૧૦ માર્ચે રેલવે બજેટ રજૂ કરવામાં આવે એવી શક્યતા છે. સામાન્ય રીતે ફેબ્રુઆરી મહિનામાં આ બજેટ રજૂ થાય છે, પણ આ વર્ષે આ સમયગાળા દરમ્યાન મોટા ભાગના સંસદસભ્યો ચૂંટણી-કૅમ્પેનમાં વ્યસ્ત હશે. જોકે ગઈ કાલે પાંચ રાજ્યોમાં ઇલેક્શનને કારણે બજેટ પાછું ઠેલાશે કે કેમ એવા પ્રfનના ઉત્તરમાં નાણાપ્રધાન પ્રણવ મુખરજીએ કહ્યું હતું કે ‘બીજાં રાજ્યોની ચૂંટણી પતી ગઈ હોવાથી અને ફક્ત ગોવાની જ બાકી હોવાથી મને એના નિયત સમયે બજેટ રજૂ કરવામાં કોઈ પ્રૉબ્લેમ જણાતો નથી. જોકે એની ચોક્કસ તારીખ જુદા-જુદા લેવલે ચર્ચા કર્યા પછી જ નક્કી કરવામાં આવશે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK