જાણો પ્રિવેડિંગ શૂટમાં કન્યા વરની ધોતી ખેંચીને કેમ ભાગી ગઈ?
સાઉથ ઈન્ડિયન કપલનો પ્રી-વેડિંગ ફોટોશૂટ
આજકાલ લગ્ન કરવા પહેલા વેડિંગ ફોટોશૂટની ગજબની ફૅશન બની ગઈ છે. કેટલા વર્ષોથી આની એક પરંપરા બની ગઈ છે આના વગર લગ્ન અધૂરા છે. પ્રી-વેડિંગથી લઈને લોકો પોસ્ટ વેડિંગ ફોટોશૂટ કરાવતા હોય છે. કપલ પોતાના જીવનનો મહત્વપૂર્ણ દિવસને યાદ રાખવા માટે આ અદ્ભુત ફોટોશૂટ કરાવતા હોય છે.
હાલ એક કપલની ઘણી ચર્ચા થઈ રહી છે અને સાથે એમનો પ્રી-વેડિંગનો ફની ફોટોશૂટ સોશિયલ મીડિયા પર ધૂમ મચાવી રહ્યો છે. આ કપલ સાઉથ ઈન્ડિયન છે. એમાં છોકરીએ એવું કામ કરી દીધું, જેના વિશે વિચારી પણ નહીં શકાય. વાઈરલ ફોટોમાં છોકરી પોઝ આપવા માટે છોકરાની ધોતી લઈને ભાગી જાય છે. આ તસવીર જોઈને લોકો હસી રહ્યા છે.
ADVERTISEMENT
Hey wedding photographers. Can you chill? Wtf is this pic.twitter.com/q7Qt6Dt326
— SID (@ssaig) May 12, 2020
એક ટ્વિટર યૂઝરે લગ્નના ફોટોશૂટમાંની બે તસવીરો શૅર કરી છે જેમાં કન્યા એના થનારા વર સામે જોઈને કંઈક ઈશારો કરી રહી હતી, બાદ તે હસીને વરની ધોતી ખેંચીને ભાગી જાય છે, ત્યાર બાદ છોકરો ઘણો શરમાઈ જાય છે. આ કપલના ફોટોશૂટની તસવીરો ઘણી વાઈરલ થઈ રહી છે. લાગે છે આ કપલને માત્ર મસ્તી કરવી હતી પણ નેટિઝન્સને આ પસંદ નથી આવ્યું. આ જોઇને કેરળમાં થયેલી બીજી ઘટના યાદ આવે જેમાં એક કપલ બેકવોટર્સમાં પ્રી-વેડિંગ ફોટોશૂટ કરાવતું હતું અને પાણીમાં પડી ગયું હતું, આ વીડિયો પણ વાઇરલ થયો હતો.
નેટિઝન્સને આ બહુ ગમ્યું નથી કારણકે તેઓ સવાલ એવો પણ કરી રહ્યા છે કે જો આનાથી ઉંધું થયું હોત તો? જો કે આ એક મલિયાલમ ફિલ્મ થિલાક્કમનાં દ્રશ્યને મળતી આવતી તસવીરો છે જેમાં પાત્ર માનસિક રીતે અસ્થિર હોય છે અને માટે તે લોકોનાં ધોતિયા ખેંચીને દોડી જતો હોય છે, જો કે ફિલ્મમાં આ ફની લાગતું હતું પણ વાસ્તવિકતામાં રિ-ક્રિએટ થયેલો આ સિન નેટિઝન્સને નથી ગમ્યો.
