ટોક્યોના સ્ટેશન પર બૉલ પર ચાલતા ભૂંડના બચ્ચાંના વિડિયોએ મચાવી ધમાલ
બૉલ પર ચાલતા ભૂંડના બચ્ચાંના વિડિયોએ મચાવી ધમાલ
ટોક્યોના મેટ્રો સ્ટેશન પર એક બૉલ પર સંતુલન જાળવીને લગભગ દોડવાની ગતિએ ચાલતું હોય એવા ભૂંડના બચ્ચાનો વિડિયો સોશ્યલ મીડિયામાં વાઇરલ થયો છે. વિડિયો માત્ર ૯ સેકન્ડનો છે જેમાં બચ્ચું બૉલ પર ઊભું છે અને બૉલ ગબડવાની સાથે એના પર કૂદકા ભરતું રહીને આગળ વધે છે. આ વિડિયોને લાખો વ્યુઝ મળ્યા છે ત્યારે કેટલાક વ્યુઅર્સે લૉજિકલ સવાલ કર્યા છે. જેમ કે આ બચ્ચાના મોંમાં શું છે? તે ક્યાં જઈ રહ્યું છે? બૉલ લઈને આ સ્ટેશન પર એ કઈ રીતે આવ્યું? એને આવું કરતાં કોણે શીખવ્યું? સૌથી મહત્વનું આ વિડિયો કોણે બનાવ્યો? જો વિડિયોમાં લાખો લોકોનું ધ્યાન એ ભૂંડે ખેંચ્યું હતું તો સ્ટેશન પરના લોકોને કેમ એની કોઈ દરકાર નથી?
જોકે આ બધા જ સવાલનો એક જ જવાબ છે કે આ વિડિયો અસલી નથી. સ્પેશ્યલ વર્ચ્યુઅલ માઇક્રો પિગીને કોઈ સાદા વિડિયોમાં ફિટ કરવામાં આવ્યો છે.
