વિખ્યાત ડચ ચિત્રકારે જાતે દોરેલું પૉર્ટ્રેટ 1.40 અબજમાં વેચાયું

Published: 30th July, 2020 07:20 IST | Gujarati Mid-day Correspondent | America

અમેરિકન ઑક્શન હાઉસ સોધબી દ્વારા યોજાયેલા એક વર્ચ્યુઅલ ઑક્શનમાં વિશ્વવિખ્યાત ડચ ચિત્રકાર રેમ્બ્રાંનું સેલ્ફ-પૉર્ટ્રેટ ૧.૪૫ કરોડ પાઉન્ડ (અંદાજે ૧.૪૦ અબજ રૂપિયા)ની કિંમતે વેચાયું હતું.

ડચ ચિત્રકારે દોરેલું પૉર્ટ્રેટ 1.40 અબજમાં વેચાયું
ડચ ચિત્રકારે દોરેલું પૉર્ટ્રેટ 1.40 અબજમાં વેચાયું

અમેરિકન ઑક્શન હાઉસ સોધબી દ્વારા યોજાયેલા એક વર્ચ્યુઅલ ઑક્શનમાં વિશ્વવિખ્યાત ડચ ચિત્રકાર રેમ્બ્રાંનું સેલ્ફ-પૉર્ટ્રેટ ૧.૪૫ કરોડ પાઉન્ડ (અંદાજે ૧.૪૦ અબજ રૂપિયા)ની કિંમતે વેચાયું હતું. ૧૬૩૨ની સાલમાં દોરાયેલા એ ચિત્રમાં ૨૬ વર્ષના ચિત્રકારે માથે હૅટ પહેરી છે અને ગળે માઇલસ્ટોન કૉલર (રફ) વીંટાળેલો છે. મંગળવારે યોજેલા ઑનલાઇન લાઇવ સ્ટ્રીમ્ડ વર્ચ્યુઅલ ઑક્શનમાં સોધબીને ૧૯.૨૭ કરોડ ડૉલર (અંદાજે ૧.૪૦ અબજ રૂપિયા) પ્રાપ્ત થયા હતા. આ ચિત્રકારનું છેલ્લું પૉર્ટ્રેટ ૨૦૦૩માં  અંદાજે ૫૧.૫૬ કરોડ રૂપિયાની કિંમતે વેચાયું હતું. ગ્લોબલ ઑક્શનમાં ૮ ઇંચ લાંબું અને છ ઇંચ પહોળું એ પેઇન્ટિંગ છ જણે ખરીદ્યું હતું. ઑક્શનમાં પાંચ સદીના રેમ્બ્રાંથી પિકાસો સુધીના અનેક ચિત્રકારોની રચનાઓ વેચાઈ હતી. ‘વુમન ઇન રેડ હૅટ’ નામનું પેઇન્ટિંગ ૨.૨૩ કરોડ પાઉન્ડ (અંદાજે ૨.૧૬ અબજ રૂપિયા)માં વેચાયું હતું. 

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK