વિજય માલ્યા, નીરવ મોદી સહિત 70 કૌભાંડી દેશ છોડીને નાસી છૂટ્યા છે

Published: Feb 08, 2020, 10:32 IST | New Delhi

કેન્દ્ર સરકારે નાણાકીય છેતરપિંડી કરીને વિદેશમાં ફરાર થયેલા 70 લોકોનાં નામ જાહેર કર્યાં

વિજય માલ્યા અને નીરવ મોદી
વિજય માલ્યા અને નીરવ મોદી

વિદેશ મંત્રાલયે લોકસભાને જણાવ્યું કે કુલ ૭૦ ભારતીયો જેમના પર નાણાકીય અનિયમિતતા અને છેતરપિંડીનો આરોપ છે એ તમામ વિદેશમાં છે અને દેશમાં પાછા લાવવાના પ્રયાસ કરવામાં આવી રહ્યા છે.

વિદેશ મંત્રાલયે જણાવ્યું કે અનેક કેસમાં આરોપીઓના પ્રત્યાર્પણના પ્રયાસ કરવામાં આવી રહ્યા છે, પરંતુ આ પ્રક્રિયા કાયદાકીય રીતે જટિલ હોય છે. સરકારે જણાવ્યું કે છેતરપિંડી કરીને દેશમાંથી ફરાર થઈ જનારા આરોપીઓમાં પુષ્પેષ બૈદ, આશિષ જોબનપુત્રા, વિજય માલ્યા, સની કાલરા, સંજય કાલરા, એસ. કે. કાલરા, વર્ષા કાલરા, જતીન મહેતા, ઉમેશ પારેખ, કમલેશ પારેખ, નીલેશ પારેખ, એકલવ્ય ગર્ગ, વિનય મિત્તલ, નીરવ મોદી, નીશાલ મોદીનાં નામ સામેલ છે.

આ ઉપરાંત મેહુલ ચોકસી, સબ્ય સેઠ, રાજીવ ગોયલ, અલકા ગોયલ, લલિત મોદી, નીતિન જયંતીલાલ સાંડેસરા, દીપ્તિ ચેતનકુમાર સાંડેસરા, રિતેશ જૈન, હિતેશ એન. પટેલ, મયૂરી પટેલ અને પ્રીતિ જોબનપુત્રાનાં નામ પણ સામેલ છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK