મુંબઈ: બોરીવલીના એક મહિનાથી ગુમ યુવાને વાપીમાં આત્મહત્યા કરી

મુંબઈ: બોરીવલીના એક મહિનાથી ગુમ યુવાને વાપીમાં આત્મહત્યા કરી

યશ શ્રીપાલ બાફ

બોરીવલી-વેસ્ટમાં યોગીનગરમાં રહેતો ૨૬ વર્ષનો યુવાન યશ શ્રીપાલ બાફના ૨૩ જૂનથી યોગીનગરથી ગુમ થયો હતો. એ બાદ પરિવાર તેને સતત શોધી રહ્યો હતો પરંતુ તેની કોઈ ભાળ મળી રહી નહોતી. પરિવાર દ્વારા એમએચબી પોલીસ સ્ટેશનમાં તેના ગુમ થયાની ફરિયાદ પણ નોંધવામાં આવી હતી. જો કે ૨૬ જુલાઈના રોજ વાપીમાં જીઆઈડીસી પોલીસ સ્ટેશન ક્ષેત્રમાં આવેલી એક હોટેલમાં સિલિંગ ફેનથી ગળે ફાંસો ખાધો હોવાની માહિતી જાણવા મળી હતી. યશના પરિવારનો સ્ટીલનો વેપાર છે અને પરિવાર સારું નામ પણ ધરાવે છે.

આ પણ વાંચો : શનિ-રવિ સુધી ભીંજાયા કરશે મુંબઈ, સતત વરસાદની આગાહી

ADVERTISEMENT

વાપી જીઆઈડીસી પોલીસ સ્ટેશને ‘મિડ-ડે’ને આપેલી માહિતી મુજબ ‘વાપીની એક હોટેલમાં એક યુવાને સિલિંગ ફેન સાથે ચાદર દ્વારા ૨૬ જુલાઈના રોજ ગળે ફાંસો ખાઈને આત્મહત્યા કરી હતી. હોટેલના રૂમની તપાસ કરતાં થોડા કપડાં, હૅન્ડ વૉચ, બૅલ્ટ મળી આવ્યાં હતાં. યુવાનના ખિસ્સામાંથી તેના પરિવારજનનો નંબર મળતાં એના પર ફોન કરીને જાણ કરવામાં આવી હતી. જો કે હોટેલના રૂમમાંથી કોઈ સુસાઈડ નોટ મળી આવી નથી.’