આંતરરાષ્ટ્રીય મહિલા દિવસ નિમિત્તે છ મહિલા પોસ્ટ ઑફિસનું ઉદ્ઘાટન
મુંબઈ રિજનના પોસ્ટ માસ્ટર જનરલ સ્વાતિ પાંડે દ્વારા આ પોસ્ટ ઑફિસનું ડિજિટલ ઉદ્ઘાટન કરવામાં આવ્યું હતું.
આઠમી માર્ચે આંતરરાષ્ટ્રીય મહિલા દિવસને અનુલક્ષીને ભારતીય પોસ્ટ વિભાગે ગઈ કાલે છ મહિલા પોસ્ટ ઑફિસનું ઉદ્ઘાટન કર્યું હતું. આ છ પોસ્ટ ઑફિસ વડાલા, હનુમાન રોડ, અંબેવાડી અને પી. એચ. કૉલોની જેવા જુદાં-જુદાં સ્થળે શરૂ કરાશે. ગઈ કાલે સવારે ૧૧.૦૦ વાગ્યે જીપીઓના પરિસરમાં મુંબઈ રિજનના પોસ્ટ માસ્ટર જનરલ સ્વાતિ પાંડે દ્વારા આ પોસ્ટ ઑફિસનું ડિજિટલ ઉદ્ઘાટન કરવામાં આવ્યું હતું. ઉદ્ઘાટનના દિવસે મહિલા પોસ્ટ ઑફિસની મુલાકાત લેનારા ગ્રાહકોમાં ૬૦ ટકા મહિલાઓ હતી. તસવીર : આશિષ રાજે
