પિતાએ જૅગ્વાર ન અપાવી એટલે દીકરાએ BMW નાળામાં ફેંકી દીધી
પાણીમાં ફેંકી દીધી BMW
હરિયાણાના યુમનાનગરમાં પોલીસે શુક્રવારે એક નવીનક્કોર BMW નાળામાં પડેલી મળી. વાત એમ હતી કે એક યુવાને હાથે કરીને પપ્પાએ લાવી આપેલી આ ગાડી નદીમાં ફેંકી હતી અને એ વખતનો વિડિયો ઉતારીને સોશ્યલ મીડિયામાં પણ શૅર કર્યો હતો. વિડિયોમાં જોઈ શકાય છે કે યુવક હાથે કરીને નદીની પોચી જમીન પાસે લઈ જઈને કાર છોડી દે છે અને કાર પાણીની વચ્ચે જઈને અટકી જાય છે. જોકે એ પછી ભાઈસાહેબ જાતે કાર કાઢવાની કોશિશ પણ કરે છે, પણ નિષ્ફળ જાય છે. પોલીસની પૂછતાછમાં ખબર પડે છે કે તેણે પપ્પા પાસેથી જૅગ્વારની ડિમાન્ડ કરી હતી, પણ એને બદલે તેને પપ્પાએ આ કાર લાવી આપી હતી એટલે તે બહુ ગુસ્સામાં હતો. આખરે પોલીસે યુવક અને કેટલાક તરવૈયાઓની મદદ લઈને કાઢવાની કોશિશ કરી હતી. પંજાબ અને હરિયાણાના યુવાનો મોંઘી અને લક્ઝુરિયસ કારોના ક્રૅઝી હોય છે અને એ લાવી આપવા માટે પેરન્ટ્સ પર ઇમોશનલ પ્રેશર કરતા હોય છે.
આ પણ વાંચોઃ ભાઈએ ભૂલથી ૧૬.૨૯ લાખ રૂપિયા કચરાપેટીમાં નાખી દીધા
ADVERTISEMENT