દિલ્હીમાં મોદીની ભત્રીજીનું પર્સ ઝૂંટવીને લૂંટારા ફરાર

દિલ્હીમાં મોદીની ભત્રીજીનું પર્સ ઝૂંટવીને લૂંટારા ફરાર

ફાઈલ ફોટો

વડા પ્રધાન નરેન્દ્ર મોદીની ભત્રીજી સાથે સ્નૅચિંગનો મામલો સામે આવ્યો છે. દિલ્હીમાં બદમાશો મોદીની ભત્રીજીનું પર્સ ખેંચીને ફરાર થઈ ગયા હતા. પર્સમાં રોકડની સાથોસાથ કેટલાક અગત્યના દસ્તાવેજ પણ હતા. દિલ્હીના પૉશ વિસ્તારમાંથી એક સિવિલ લાઇન્સ વિસ્તારમાં બદમાશોએ આ વારદાતને અંજામ આપ્યો છે.

મીડિયા-રિપોર્ટ પ્રમાણે વાત એમ છે કે વડા પ્રધાન નરેન્દ્ર મોદીના ભાઈનાં દીકરી દમયંતીબહેન મોદી આજે સવારે અમ્રિતસરથી દિલ્હી પાછાં આવી રહ્યાં હતાં. તેમની રૂમ સિવિલલાઇન્સ વિસ્તારના ગુજરાતી સમાજ ભવનમાં બુક હતી. એથી જૂની દિલ્હીથી ઑટોમાં તેઓ પોતાના પરિવાર સાથે ગુજરાતી સમાજ ભવન પહોંચ્યાં.

ADVERTISEMENT

આ પણ વાંચો : મંદી છે કે નહીં એ હવે બૉક્સ-ઑફિસ કલેક્શન પરથી નક્કી કરાશે: રવિશંકર પ્રસાદ

ગેટ પર પહોંચ્યા બાદ તેઓ રિક્ષામાંથી ઊતરવા જતાં હતાં ત્યારે સ્કૂટી પર સવાર બે બદમાશો તેમનું પર્સ આંચકીને ભાગી ગયા હતા. દમયંતીબહેને કહ્યું કે એ પર્સમાં ૫૬૦૦૦ રૂપિયા, બે મોબાઇલ અને અગત્યના દસ્તાવેજ હતા.