ઠંડી થથરાવશે, આજે અને આવતીકાલે કોલ્ડવેવની આગાહી
રાજ્યમાં ઉત્તરાયણ બાદ પણ ઠંડી ઘટવાનું નામ નથી લઈ રહી. છેલ્લા કેટલાક દિવસથી રાજ્યના કેટલાક શહેરોમાં સરેરાશ લઘુત્તમ તાપમાન 10 ડિગ્રીની આસપાસ નોંધાયું છે. ઉત્તર ભારતમાં થયેલી જબરજસ્ત હિમવર્ષાની અસર રાજ્યમાં પણ દેખાઈ રહી છે. શુક્રવારે 8.8 ડિગ્રી સાથે ગાંધીનગર સૌથી ઠંડુ શહેર બન્યું તો અમદાવાદમાં 10 ડિગ્રી સરેરાશ લઘુત્તમ તાપમાન રહ્યું હતું. હવામાન વિભાગે હજી આવતીકાલ સુધી કોલ્ડ વેવ રહેવાની આગાહી કરી છે.
હવામાન વિભાગની આગાહી પ્રમાણે અપર એર સર્ક્યુલેશનને કારણે ઉત્તર ગુજરાતના કેટલાક જિલ્લાઓમાં ઝરમર વરસાદ પણ પડી શકે છે. સાથે જ ઠંડી પણ લોકોને ધ્રુજાવશે. આગામી બે દિવસમાં આખા રાજ્યમાં કોલ્ડવેવની આગાહી છે. અમદાવાદમાં પણ તાપમાન 11 ડિગ્રીની આસપાસ રહે તેવી શક્યતા છે.
ADVERTISEMENT
આ પણ વાંચોઃ 48 કલાકમાં ગુજરાતમાં કોલ્ડ-વેવનો ચોથો રાઉન્ડ
હવામાન વિભાગની આગાહી પ્રમાણે આવતીકાલથી સરેરાશ લઘુત્તમ તાપમાનમાં 2 થી 3 ડિગ્રીનો ઘટાડો નોંધાઇ શકે છે. ઠંડીના વધુ એક રાઉન્ડની શરૂઆત થઇ શકે છે. મુખ્યત્વે સૌરાષ્ટ્ર, કચ્છ, દીવ, દમણ, દાદરા નગર હવેલીમાં કોલ્ડવેવની અસર વધુ જોવા મળી શકે તેવી સંભાવના છે.