આલ્ફા માર્કેટમાં પાછા આવી ગયેલા ગેરકાયદે સ્ટોલ્સ પર ફરી BMCનો હથોડો
ફરી લાગેલા ગેરકાયદે સ્ટોલ પર ગઈ કાલે કરવામાં આવી કાર્યવાહી
વિલે પાર્લે (વેસ્ટ)માં આવેલી આલ્ફા માર્કેટમાં ગયા અઠવાડિયે ૨૦૦ ગેરકાયદે દુકાનો પર પ્રશાસને કાર્યવાહી કર્યા બાદ ફરી કેટલાક સ્ટોલ્સ પાછા આવી ગયા હતા જેથી ફરી ગઈ કાલે બપોરે પ્રશાસન દ્વારા કાર્યવાહી હાથ ધરી લાગેલા પચ્ચીસથી પણ વધુ ગેરકાયદે સ્ટોલ્સને ડિમોલિશ કરવામાં આવ્યા હતા. સુધરાઈની કાર્યવાહી વખતે હાજર રહેલાં સ્થાનિક નગરસેવિકાએ રહેવાસીઓને આશ્વાસન આપ્યું હતું કે ‘તમને રસ્તા પરથી પસાર થવા માટે પૂરતી જગ્યા મળશે અને એના માટે અમે સતત ડિમોલિશન ડ્રાઇવ ચાલુ રાખીશું જેથી ખુલ્લી જગ્યા પર લાગતા ગેરકાયદે સ્ટોલ્સને કાયમી ધોરણે હટાવી શકાય.’
