માત્ર પાછલા વ્હીલ પર 81 કિલોમીટર સાઇકલ ચલાવીને બનાવ્યો વિક્રમ
એક પૈડા પર સાઇકલ ચલાવવાનો રેકૉર્ડ બનાવ્યો આ ભાઈએ
અમેરિકાના મૅરિલૅન્ડમાં રહેતા ૫૬ વર્ષના રિચ ફ્લૅનૅગન નામના ભાઈએ એક પૈડા પર સાઇકલ ચલાવવાનો રેકૉર્ડ બનાવ્યો હતો. રિચે માત્ર એક પૈડા પર બૅલૅન્સ કરીને લગાતાર સાઇકલ ચલાવી હતી અને રેકૉર્ડ પણ બનાવ્યો હતો. આમ તો રિચભાઈની મંશા ૧૦૦ માઇલ એટલે કે લગભગ ૧૬૦ કિલોમીટર સુધી પાછલા વ્હીલ પર સાઇક્લિંગ કરવું હતું, પરંતુ અધવચ્ચે એટલા જોરથી પવનનો વાયરો ફૂંકાયો કે તેનું બૅલૅન્સ ૫૦.૫ માઇલ પર હતો ત્યારે લથડ્યું.
આ પણ વાંચો : લ્યો બોલો, હૅન્ગઓવર ઉતારવા માટે યુવક ચાલતો ફ્રાન્સ પહોંચી ગયો
ADVERTISEMENT
જોકે આ માઇલસ્ટોન પણ રેકૉર્ડ બનાવવા માટે પૂરતો હતો કેમ કે પાછલા વ્હીલ પર આટલું લાંબુ સાઇક્લિંગ હજી સુધી કોઈ કરી શક્યું નથી.
