ફિટ રહેવા યુવાનોએ દરરોજ 60 મિનિટ અને વડિલોએ 30 મિનિટ કસરત કરવી
Mumbai : શરીરને તંદુરસ્ત રાખવા માટે દરરોજ કસરત કરવી જરૂરી છે. પરંતુ એ ધ્યાન રાખવું ખુબ જ જરૂરી છે કે કસરત કેટલી અને કેવી રીતે અને કેટલો સમય કરવી. એક્સપર્ટના કહેવા પ્રમાણે ઉંમર, ક્ષમતા અને સ્વાસ્થ્યની કાળજી રાખીને જ કસરત પસંદ કરવી જોઇએ. વેટ લોસ સ્પેશિયાલિસ્ટોના મતે કઈ ઉંમરના લોકોએ કેટલું અને કેવું વર્કઆઉટ કરવું જોઇએ તેની એક ચોક્કસ ગણતરી છે.
5થી 27 વર્ષની ઉંમર માટેના નિયમો
ADVERTISEMENT
બાળકો અને યુવાનોએ દરરોજ ઓછામાં ઓછી 60 મિનિટ ઈન્ટેન્સ એટલે કે તીવ્ર વર્કઆઉટ કરવું જોઇએ. તેમાં મોટાભાગની એરોબિક એક્ટિવિટી સામેલ હોવી જોઇએ, જેમ કે સામાન્ય રમતો, આઉટડોર-ઇન્ડોર ગેમ્સ અથવા સામાન્ય કસરત. જોકે, ખાસ ધ્યાન રાખવું કે ઈન્ટેન્સ વર્કઆઉટ યોગ્ય ટ્રેનરના માર્ગદર્શન હેઠળ જ કરવામાં આવે.
18 થી 64 વયની ઉંમરના લોકો માટેના નિયમો
આ ઉંમરના પુરુષો અને સ્ત્રીઓએ અઠવાડિયામાં ઓછામાં ઓછી 150 મિનિટ સુધી મધ્યમ ઈન્ટેન્સિટીવાળી એરોબિક એક્ટિવિટી કરવી જોઇએ. એટલે કે અઠવાડિયામાં 5 દિવસ દરરોજ આશરે 30 મિનિટ કસરત કરવી જોઇએ. જો એટલો સમય ના મળે તો અઠવાડિયામાં 75 મિનિટ એટલે કે અઠવાડિયામાં 5 દિવસ દરરોજ 15 મિનિટ કસરત પણ કરી શકાય. જો એટલો પણ સમય ના હોય તો અઠવાડિયામાં ઓછામાં ઓછું બે વાર મસલ સ્ટ્રેન્થ એક્ટિવિટી તો કરવી જ જોઇએ. જેમાં મુખ્ય મસલ્સ જેવા કે, પગ, હાથ, પેટ, છાતી અને ખભાની કસરત સામેલ હોય તેનું ધ્યાન રાખવું.
આ પણ જુઓ : આંતરરાષ્ટ્રીય યોગ દિવસની દેશભરમાં આ રીતે ઉજવણી કરવામાં આવી
65 વર્ષથી વધુ ઉંમરના લોકો માટેના નિયમો
આ ઉંમરના લોકોએ દર અઠવાડિયે 150 મિનિટની મધ્યમ તીવ્રતા ધરાવતી એરોબિક એક્સર્સાઇઝ કરવી આવશ્યક છે. એટલે કે, અઠવાડિયામાં 5 દિવસ સુધી દરરોજ 30 મિનિટ કસરત કરવી જોઇએ. આ ઉંમરે શરીરમાં ઘણા રોગો ઘૂસી ગયા હોય છે અને શારીરિક ક્ષમતામાં પણ ઘટાડો થયો હોય છે. તેથી, કોઈપણ એક્સર્સાઇઝ કરતાં પહેલાં તમારા ડોક્ટર પાસેથી સલાહ લઈ લેવી.
