Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > લાઇફસ્ટાઈલ સમાચાર > સેક્સ એન્ડ રિલેશનશિપ > આર્ટિકલ્સ > ક્યુરેટિન પછી બીજી પ્રેગ્નન્સીમાં પ્રૉબ્લેમ થાય છે, શું કરીએ?

ક્યુરેટિન પછી બીજી પ્રેગ્નન્સીમાં પ્રૉબ્લેમ થાય છે, શું કરીએ?

06 December, 2022 04:15 PM IST | Mumbai
Dr. Mukul Choksi | askgmd@mid-day.com

પ્રેગ્નન્સી ન રહેવા પાછળ સ્ટ્રેસ પણ કારણભૂત હોઈ શકે છે

પ્રતીકાત્મક ફાઇલ તસવીર

કામવેદ

પ્રતીકાત્મક ફાઇલ તસવીર


મારી ઉંમર ત્રીસ વર્ષની છે. મારાં મૅરેજને સાત વર્ષ થયાં છે અને મને ચાર વર્ષની એક દીકરી છે. ત્રણ વર્ષ પહેલાં મેં ક્યુરેટિન કરાવ્યું હતું. હવે હું અને મારા હસબન્ડ બીજું બાળક પ્લાન કરીએ છીએ અને ત્રણ મહિનાથી કોઈ જાતના પ્રિકૉશન વિના સેક્સ કરીએ છીએ, પણ પ્રેગ્નન્સી રહેતી નથી. એવું થવાનું કારણ શું હશે? અમારે ટેસ્ટિંગ કરાવવું જોઈએ? દહિસર

ત્રણ મહિના બહુ ઓછો સમય છે. આટલી ઝડપથી કોઈ એક મત પર પહોંચવું ન જોઈએ. બીજા ત્રણ મહિના જવા દો અને જુઓ કે એ દિવસો દરમ્યાન પ્રેગ્નન્સી રહે છે કે કેમ? આ ત્રણ મહિના દરમિયાન તમે તમારી મેન્સ્ટ્રુઅલ સાઇકલ આવ્યા પહેલાં અને આવ્યા પછી એમ બે વીક છોડીને વચ્ચેનાં જે બે વીક હોય એ દરમ્યાન એકાંતરે સેક્સ કરશો તો પૉઝિટિવ પરિણામ મળી શકે છે. બાળકનું પ્લાનિંગ કરતા હોઈએ ત્યારે સેક્સ દરમ્યાન કોઈ જાતનું ઓઇન્ટમેન્ટ વાપરવું નહીં. ઓઇન્ટમેન્ટને કારણે સ્પર્મ ગતિહીન થઈ જતા હોય છે અને ગતિહીન સ્પર્મને કારણે પ્રેગ્નન્સી રહેતી નથી.



ઋષિ વાત્સ્યાયનનું સૂચન છે કે પ્રેગ્નન્સીમાં પૉઝિટિવ રિપોર્ટ જોઈતો હોય તો સેક્સ પછી ફીમેલે પોતાના બન્ને પગના ઘૂંટણ છાતી સુધી લાવીને એ જ અવસ્થામાં પંદર મિનિટ રહેવું જોઈએ. આ આસનને લીધે સ્પર્મ વધુ ઉપર જાય છે, જેને કારણે પ્રેગ્નન્સી રહેવાની શક્યતા વધે છે.


ક્યુરેટિનને કારણે પ્રેગ્નન્સી રહેવામાં પ્રૉબ્લેમ થાય એવું જોવા મળ્યું નથી એટલે એ તમારા મનનો ભ્રમ છે. પ્રેગ્નન્સી ન રહેવા પાછળ સ્ટ્રેસ પણ કારણભૂત હોઈ શકે છે. જો તમારા હસબન્ડ સ્ટ્રેસમાં હોય તો પણ એની સીધી અસર સ્પર્મની ગતિશીલતા પર પડી શકે છે અને એવું જ તમારા કેસમાં પણ બની શકે છે. એટલે જરા પણ સ્ટ્રેસ ન રાખો અને કોઈ જાતના તનાવ વિના જ સેક્સની પ્રોસેસનો આનંદ માણો. આ આનંદ માણતી વખતે પણ મનમાં એક જ વાત રાખો કે તમે માત્ર આનંદ માટે જ સેક્સ માણી રહ્યા છો અને એવી જ રીતે સાથે રહો કે તમે પહેલું જ બાળક પ્લાન કરો છો. તમે સેક્સની અલગ-અલગ ફૅન્ટસીનો પણ ઉપયોગ કરીને સેક્સ-ડ્રાઇવને વધારે રોમાંચક બનાવી શકો છો. જો ત્રણ મહિના પછી પણ રિઝલ્ટ ન આવે તો તમે ફૅમિલી ડૉક્ટરને કન્સલ્ટ કરીને રિપોર્ટ કરાવી શકો છો.


Whatsapp-channel Whatsapp-channel

06 December, 2022 04:15 PM IST | Mumbai | Dr. Mukul Choksi

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK