મારી પેનિસ પર ચાર-પાંચ નાની ફોલ્લી થઈ છે, જે થોડા સમયથી એમ જ રહે છે. મટતી પણ નથી અને વધતી પણ નથી
કામવેદ
પ્રતીકાત્મક તસવીર
હું ૨૬ વર્ષનો છું. એન્જિનિયર છું અને સાઇટ ઇન્ચાર્જની મારી જૉબ છે. મારી પેનિસ પર ચાર-પાંચ નાની ફોલ્લી થઈ છે, જે થોડા સમયથી એમ જ રહે છે. મટતી પણ નથી અને વધતી પણ નથી. મારી સાઇટ પર આવતી એક લેબર સાથે ફિઝિકલ રિલેશન હતા. અઢી-ત્રણ મહિના સુધી અમારા રિલેશન રહ્યા, પણ પછી મેં જ એ અટકાવી દીધા. અગાઉ પણ એક ફીમેલ લેબર સાથે મારા આવા રિલેશન હતા. હવે મને ડર છે કે એ રિલેશનશિપને કારણે મને આ પ્રૉબ્લેમ આવ્યો હશે? શું આ એઇડ્સ હોઈ શકે? મારા એન્ગેજમેન્ટ થઈ ગયા છે, પણ હું આ ડરથી તેની સાથે પણ કોઈ છૂટછાટ લઈ શકતો નથી. મારે કરવું શું?
દહીસર
ADVERTISEMENT
તમારી વાત પરથી દેખીતી રીતે તો એવું લાગે છે કે એ સામાન્ય ફોલ્લી હોઈ શકે છે એટલે ગભરાવાની જરૂર નથી. સામાન્ય રીતે શરીરમાં ક્યાંય પણ ફોલ્લી થાય અને પછી એ આપોઆપ મટી પણ જાય. તમે કહો છો કે ફોલ્લી વધતી પણ નથી અને ઘટતી પણ નથી તો બની શકે કે એ મસા હોય. જોકે એ તો પર્સનલ એક્ઝામિનેશન પછી તમારા ફિઝિશ્યન જ કહી શકે એટલે ગભરાવાને બદલે તમે તમારા ફૅમિલી ડૉક્ટરને મળીને તેમની સલાહ લો, ચોક્કસ એમાંથી છુટકારો મળશે; કારણ કે આ એઇડ્સની નિશાની નથી અને એઇડ્સની આવી નિશાની હોય પણ નહીં. જોકે અગત્યની વાત એ છે કે તમે ફિઝિકલ થવાની બાબતમાં થોડી મર્યાદા કેળવતા શીખો.
ફીમેલ લેબર જો તમારી સાથે ફિઝિકલ રિલેશન રાખવા તૈયાર થઈ જતી હોય તો એ તેની મજબૂરી હોઈ શકે. સાઇટ ઇન્ચાર્જ છો એટલે ઇનડાયરેક્ટ્લી તમે તેના બૉસ થયા. પોતાની મજૂરી માટે તે તમને રોકી ન શકતી હોય એવી શક્યતા દેખાય છે અને ધારો કે એવું ન હોય તો પણ તમારે તમારા સ્ટૅન્ડર્ડને પણ ઓળખવું જોઈએ. ક્યારેય કોઈનો ગેરલાભ લેવો ન જોઈએ એવી એક સામાન્ય સલાહ છે. બાકી તમારા વર્ણનથી ક્યાંય એવું લાગતું નથી કે તમને એચઆઇવી હોઈ શકે. થોડા હાઇજીન રહેવાનો પ્રયાસ કરશો તો ભવિષ્યમાં આવો પ્રૉબ્લેમ ડેવલપ નહીં થાય.