° °

આજનું ઇ-પેપર
Saturday, 13 August, 2022


શુગરથી કોઈ જ્યારે ખૂબ ડરી જાય તો?

17 June, 2022 01:05 PM IST | Mumbai
Dr. Kersi Chavda

મોઢું એકદમ કસીને બંધ કરી દે છે કે નથી જ ખાવું. એક વાર તો મારાં દાદીએ તેના મોઢામાં તેનો ફેવરિટ શીરો મૂક્યો અને તેણે થૂંકી નાખ્યો. દાદી ખૂબ રડ્યાં એ દિવસે. શું તેનું આ વર્તન નૉર્મલ છે? 

પ્રતીકાત્મક તસવીર સૌજન્ય આઇસ્ટૉક ઓ.પી.ડી.

પ્રતીકાત્મક તસવીર સૌજન્ય આઇસ્ટૉક

મારો ભાઈ બાવીસ વર્ષનો છે. અમે અમારા પિતાને બે વર્ષ પહેલાં જ ગુમાવી દીધા. તેમને ડાયાબિટીઝ હતો અને કિડની ડિસીઝથી તેમનું મૃત્યુ થયું હતું. મારા પિતાને ડાયાબિટીઝ હોવા છતાં તેમનો ખાવા પર કોઈ કન્ટ્રોલ નહોતો. તેમને જોઈ-જોઈને મારો ભાઈ ખૂબ ગભરાઈ ગયો છે. તેણે ગળ્યું ખાવાનું સાવ બંધ કરી દીધું છે, જે એક રીતે તો હેલ્ધી હૅબિટ જ છે, પરંતુ અત્યારે તેની હાલત એવી છે કે ક્યારેક કોઈ પાર્ટીમાં કે કોઈ પ્રસંગે પણ કોઈ ખવડાવે તો તે સીધો ના પાડી દે છે. મોઢું એકદમ કસીને બંધ કરી દે છે કે નથી જ ખાવું. એક વાર તો મારાં દાદીએ તેના મોઢામાં તેનો ફેવરિટ શીરો મૂક્યો અને તેણે થૂંકી નાખ્યો. દાદી ખૂબ રડ્યાં એ દિવસે. શું તેનું આ વર્તન નૉર્મલ છે? 
   
ડાયાબિટીઝ એક એવો રોગ છે જેને લીધે ભારતમાં ઘણા લોકો મૃત્યુ પામી રહ્યા છે, કારણ કે એને લીધે હાર્ટ-પ્રૉબ્લેમ, કિડની-પ્રૉબ્લેમ, સ્ટ્રોક જેવી ઘાતક બીમારીઓ થાય છે. વળી, એ વારસાગત આવી શકે છે, કારણ કે અંતે એ જિનેટિક કારણસર પણ થઈ શકે છે. નાની ઉંમરમાં પિતાનું મૃત્યુ બાળક માટે શૉકિંગ રહેતું હોય છે. પિતા સાથે જે થયું એ મારી સાથે પણ થશે એમ વિચારીને તેના મનમાં ખૂબ ડર પેસી ગયો છે. જે હોઈ શકે કે થોડા સમય પૂરતો હોય અને એવું પણ બની શકે કે આ ડર તેના મનમાં એટલો ઘર કરી જાય કે તેને ખૂબ અસર કરે. અમુક પ્રકારનો ડર સારો હોય છે, જે તમને ખરાબ વસ્તુઓથી દૂર રાખે છે. સામાન્ય લોકો ડાયાબિટીઝથી ડરે અને શુગર ઓછી ખાય એ પૉઝિટિવ સાઇડ છે, પરંતુ તમે જે લક્ષણો જણાવી રહ્યાં છો એ નૉર્મલ નથી જ. એક રીતે જઈએ તો આ ડર મૃત્યુનો છે જેને દૂર કરવો જરૂરી છે. 
ઍન્ગ્ઝાયટી શરૂઆતના સમયમાં જ દૂર કરવી સરળ છે. જો તમે એનો ઇલાજ નહીં કરાવો તો એ વધતી જ જશે અને એનાં પરિણામ ઘણાં ભયાનક હોઈ શકે છે. આ પ્રકારનો ડર તેને બીજી માનસિક તકલીફ સુધી દોરી જઈ શકે છે, માટે જરૂરી એ છે કે તમે તેને માનસિક રોગ નિષ્ણાત પાસે લઈ જાઓ. કાઉન્સેલિંગ આ તકલીફમાં ઘણું ઉપયોગી સાબિત થઈ શકે છે. દવા સુધી કદાચ જવાની જરૂર નહીં પડે, પરંતુ નિષ્ણાતની હેલ્પની જરૂર ચોક્કસ છે. માટે તે એની મેળે ઠીક થઈ જશે એવું ન માનશો.

17 June, 2022 01:05 PM IST | Mumbai | Dr. Kersi Chavda

અન્ય લેખો

હેલ્થ ટિપ્સ

સ્કિઝોફ્રેનિયાને કારણે દીકરો વિચિત્ર વર્તન કરે છે, શું કરું?

આ લક્ષણ જાણીને લાગે છે કે તમારા દીકરાને કૅટટોનિક ડિપ્રેશન હોઈ શકે છે

12 August, 2022 05:35 IST | Mumbai | Gujarati Mid-day Correspondent
હેલ્થ ટિપ્સ

ઇન્ટ્યુટિવ ઈટિંગ નહીં કરો તો ઇમોશનલ ઈટર બની જશો

પૉઝિટિવ કે નેગેટિવ કોઈ પણ બાબતને મનગમતા ફૂડ સાથે જોડી દઈને આપણે બાળકને ફૂડનો સંબંધ ઇમોશન સાથે બાંધી આપીએ છીએ. પરાણે ફીડ કરીને ઇન્ટ્યુટિવ ઈટિંગની સમજ ઘટી જાય છે.

12 August, 2022 04:54 IST | Mumbai | Sejal Patel
હેલ્થ ટિપ્સ

રોજ તમારો ચહેરો અરીસામાં જુઓ કે ન જુઓ, પગ જરૂર જોજો

યસ, આ નિયમ વડીલો માટે ચોમાસામાં બહુ જરૂરી છે. ડાયાબિટીઝ તો હવે દરેક ઉંમરના લોકોમાં વકરતો જોવા મળે છે ત્યારે અને ચોમાસામાં ભીના થવાનું હોય ત્યારે પેરિફેરલ નર્વ્સમાં ઘટતી સંવેદનાને કારણે એનું વિશેષ ધ્યાન રાખવું જરૂરી બની જાય છે.

10 August, 2022 04:11 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK